Buryndary oblys ákimi aımaqtyń, tipti qala ákimin saılap, qalaǵan kezde ornynan aýystyrýǵa quqyly bolatyn. Keıinirekte máslıhat kelisimi qajet etilgendikten, bul úrdis kúrdelene tústi. Degenmen, ol jaı ǵana qujat júzindegi is bolatyn. Al keı bir jaǵdaılarda máslıhat shyn máninde de saılaýǵa aralasyp, oblys ákimi usynǵan kandıdatqa kelisim bermegen kezder de ushyrasatyn. Bul jaǵdaı OQO-da da bolǵan edi.
Budan birer jyl buryn barlyq aımaq ákimderi memlekettik «A» korpýsynyń qyzmetkerleri qataryna engizildi. Árıne, osydan bastap, olarǵa qoıylatyn talap ta kúsheıdi. Al oblys ákimderi burynǵysynsha, óz adamdaryn saılaı almaıtyn boldy. Ol úshin kandıdat barlyq testileýden ótip, talaptarǵa saı bolýy kerek.
Tek bir ǵana ákimder sanaty ózgerissiz qaldy, olar oblys ortalyqtaryn basqarýshylar edi. Bul laýazymǵa burynǵysynsha, oblys ákimi qalaǵan adamyn máslıhat arqyly saılaýǵa múmkindigi bar.
Máselen, kútpegen jaǵdaıda oblys ortalyǵyn Ǵabıdolla Rahmatollauly basqarǵan sátten bastap, jaǵdaı kúrt ózgerdi. Endigi jerde qalany shyn máninde de qala ákimi basqaratyn boldy. Árıne, ol belgili bir deńgeıde oblys ákimine baǵynǵanmen, ózi de qanshama múmkindikke ıe bola bastady. Ábdirahymov basqarǵan sátten bastap, qala ákimi statýsy aıtarlyqtaı kúsheıe tústi.
Ǵabıdolla Ábdirahymov (31.10.2017) ornynan ketkende Shymkenttiń jańa ákimi laýazymyn ıelengen kandıdat asqan uqyptylyqpen tańdalǵan syńaıly. Sebebi, Shymkenttiń jańa ákimi araǵa bir apta ýaqyt salyp qana taǵaıyndalǵan bolatyn. Bul qala tarıhyndaǵy bir jeti ákimsiz ómir súrgen alǵashqy oqıǵa edi.
Shymkent qalasynyń 14-shi ákimi- Nurlan Saýranbaev
7 qarashada oblys ákimi Janseıit Túımebaev máslıhat maquldaýymen Shymkent qalasynyń jańa ákimi etip Nurlan Saýranbaevty saılady. Saýranbaev - Amalbek Tshanovtan bastalatyn Shymkent qalasynyń ákimder tiziminde rettik nómiri boıynsha 14-shi ákim.
Nurlan Ermekuly Saýranbaev 50 jasta, ol 1967 jyly keńestik Qazaqstannyń Jambylynda dúnıege kelgen. Ózi qurǵan otbasynda eki qyz, úsh uly bar. Biraz ýaqytyn kásipkerlikpen aınalysýǵa jumsaǵan.
Nurlan Ermekuly bilimi joǵary, mamandyǵy boıynsha biliktiligi - ekonomıs. Qazaq, orys jáne aǵylshyn tilderin jetik meńgergen ol Qazaqstandaǵy eń yqpaldy tulǵalardyń biri.
Ákimdikke saılanǵan sátten bastap, ol qala ákiminiń blogynda ǵalamtor qoldanýshylarymen amandasyp, qala turǵyndaryn aıyna bir ret 1,5 saǵat qabyldaı alatyndyǵyn jetkizgen eken. Ol árbir aıdyń úshinshi sársenbisinde saǵat 15.30-dan bastap 17.00-ge deıin qala turǵyndaryn qabyldaıdy.
Sizderdi Shymkent qalasy ákimdiginiń blog-tuǵyrnamasynda kórgenime qýanyshtymyn!
Jańa ınteraktıvtik resýrs arqyly suhbattasý jáne keri baılanys ornatý ákimshilik tosqaýyldardy azaıtýǵa, memlekettik organdardyń jumysyn baqylaýdy kúsheıtýge, halyqqa qyzmet kórsetýdiń sapasyn arttyrýǵa sebin tıgizetinine, al bizdiń yntymaqtastyǵymyz eki jaqqa da paıdaly ári qyzyqty bolatynyna senimdimin...
Onymen qosa, Shymkent qalasy ákimi jańa tehnologıalar ındýstrıasynyń vıse mınıstri qyzmetin atqarǵanda, Karavan basylymyna «Qazaqstan 1 jylda mıllıard týrıs qabyldaýǵa aýqymy jetedi» degen edi. Muny aıtqan ákim, Shymkentti de týrıserge toltyrýyna senimdimiz.
Eńbek joly
Eńbek jolyn 1991 jyly Astana qalasynda «Eńbek» kompanıasynyń bas dırektory bolyp bastaǵan.
1997-2002 jyldary Qazaqstannyń kásipkerler kongresiniń atqarýshy dırektory, «Qazaqstan temir joly» respýblıkalyq memlekettik kásiporynnyń «Jolaýshylar tasymaly» enshiles kásiporyn dırektory, «ANPZ» ashyq aksıonerlik qoǵamynyń birinshi vıse-prezıdenti bolyp eńbek etken.
2002-2016 jyldary «QazMunaıGaz» Ulttyq kompanıasy» aksıonerlik qoǵamynyń Injınırıńtik jáne servıstik qyzmetter departamentiniń dırektory, Munaıdy tasymaldaý jónindegi basqarýshy dırektory, Servıstik jobalar jónindegi basqarýshy dırektory, Qazaqstan Respýblıkasynyń Indýstrıa jáne jańa tehnologıalar vıse-mınıstri, Qazaqstan Respýblıkasynyń Qorǵanys mınıstriniń orynbasary laýazymdaryn atqarǵan.
2017 jyldyń aqpan aıynan bastap EKSPO-2017 halyqaralyq mamandandyrylǵan kórmesin ázirleý jáne ótkizý máseleleri jónindegi shtabtyń uıymdastyrý komıtetiniń basshysy laýazymyn atqaryp kelgen.
«Qurmet» jáne «Parasat» ordenderimen, «Qazaqstan Respýblıkasynyń Táýelsizdigine 20 jyl» merekelik medalimen nagradtalǵan.
