Almaty qalasy Naýryzbaı aýdanynda «Shuǵyla» yqsham aýdanynda Halyqqa qyzmet kórsetý ortalyǵynyń shańyraǵynda Almaty qalalyq memlekettik qyzmet isteri jáne jemqorlyqqa qarsy kúres departamentiniń uıymdastyrýymen «Memlekettik qyzmetter Jármeńkesi» bolyp ótti, dep habarlaıdy Qamshy.kz aqparat agenttigi.

Atalmysh sharanyń negizgi maqsaty – halyqtyń memlekettik qyzmettiń kómegin alý kezinde ádistemelik-túsindirý aýqymyn keńeıtý bolyp tabylady.

Almaty qalasy Naýryzbaı aýdandyq Halyqqa qyzmet kórsetý ortalyǵynda bolǵan «Memlekettik qyzmetter jármeńkesine» bilim, densaýlyq saqtaý, arhıtektýra, jer máseleleri, turǵyn úıler, áleýmettik baǵdarlamalar jáne jumyspen qamtý salalary boıynsha qajetti memlekettik qyzmet túrlerin kórsetetin Almaty qalasynyń jergilikti jáne qurylymdyq organdarynyń bilikti mamandary qatysty.

Aýdan turǵyndary úshin atalmysh jármeńkeniń mańyzy óte zor bolyp tabylady. Turǵyndar shara barysynda jer máselesi, turǵyn úı, densaýlyq saqtaý, bilim berý, qala qurylysy men sáýlet salasy, jumyspen qamtý jáne áleýmettik baǵdarlamalar tóńireginde ózderin tolǵandyryp júrgen saýaldary boıynsha tıisti sala basshylarynyń qyzmetine júginip, aqyl-keńes ala aldy. Jármeńkege kelýshilerdiń barlyǵy sol kúni elektrondy qoltańba alý múmkindigine de ıe boldy. Jármeńkege qatysqan memlekettik mekeme qyzmetkerleri kelýshilerdiń qazirgi kezde elektrondy júıe boıynsha kórsetiletin qyzmet túrlerimen tanystyryp, elektrondy qoltańbany qoldaný tártibin túsindirdi.

Sonymen qatar, qala turǵyndaryna bilikti mamandardyń kómegimen túrli saladaǵy baǵyttarda memlekettik qyzmetter kórsetilip, shara barysynda qatysýshylarǵa elektrondy sandyq qoltańba jasaı aldy.

– Elektrondy qoltańba alǵan turǵyndar endi  úıde otyryp-aq ózde­rine qajetti  memlekettik qyzmet túr­lerin paı­dalana alady. Jármeńkeni uıymdastyrý­daǵy eń basty maqsaty­myz da sol aýdan turǵyn­dary­na elektrondy memlekettik qyzmet túrlerin tanystyryp, olardyń budan bylaı  úıde otyryp  ózderine qajetti qyzmet túrin paıdalanýlaryna múm­kin­dik jasaý bolatyn. Jármeńkege jalpy 20-dan astam jergilikti jáne aımaqtyq memlekettik qyzmet kór­setetin mekemelerdiń ókilderi qatysty.  Sonymen qatar, «Atameken» kásipkerler palata­synyń jáne «Turǵyn  úı qurylys jınaq banki» ókilderin de qatysyp, turǵyn­dar jańa turǵyn úı baǵdarlamalary boıynsha da keńes aldy. Prokýratýra qyzmet­kerleriniń de kómegine júgingen tur­ǵyndar jármeń­ke jumysyna jaqsy baǵa berdi, – deıdi Almaty qalasy boıynsha Memlekettik ister jáne jemqorlyqqa  qarsy kúres depar­tamenti basshysynyń orynbasary Shynar Álimhan.