Baıanaýyl aerodromyna 18 adamǵa arnalǵan «Let-410» jolaýshylar ushaǵy qondy, dep habarlaıdy Qamshy.kz aqparat agenttigi Pavlodar jańalyqtaryna silteme jasap.

Pavlodardan shyqqan 16 jolaýshy Baıanaýylǵa jeńil avıasıaǵa jatatyn eki motorly 18 oryndyq ushaqpen ushyp keldi. Olardyń ishinde Pavlodar oblysynyń ákimi Býlat Bakaýov ta bolǵan. Ushaq 40 mınýtta jetti.

Reıske jergilikti áýe baǵyttarynda ushý oryndaýda tájirıbesi bar «Jezqazǵan Eır» kompanıasy qyzmet kórsetken. 

«Biz Pavlodar - Baıanaýyl baǵyty boıynsha birinshi ret ushyp otyrmyz. Ushý sátti aıaqtaldy. Baıanaýyl aerodromy qonaqtardy kútýge tolyq daıyn dep oılaımyn», - dedi ushaq kapıtany Sergeı Terehov.

Aıta ketsek, Baıanaýyl aerodromy ótken ǵasyrdyń sekseninshi jyldarynyń sońy men toqsanynshy jyldardyń basynda jabylǵan. Aerodromdy qaıta qalpyna keltirýdi Pavlodar oblysynyń ákimi alǵashqylardyń biri bolyp usynǵan.