Atyraýlyq jigit alyp qashqan aqtóbelik qyzdyń ólimi jóninde týysqandary aıtyp berdi. 19 jastaǵy Danara Kaıpova óz-ózine qol jumsaǵan eken. Bul týraly Qamshy.kz aqparat agenttigi kazpress-ke silteme bere otyryp jazady.

Qyzdyń kútpegen jaǵdaıda qaza bolǵandyǵy týraly qaraly habardy, onyń týystary kúıeý jigit tarapynan toı kúnin qashan belgileıtindigin kútip júrgen kezde estigen. Qyzben sońǵy ret 4-shi qarashada tildesken anasy bylaı dedi:

«Mama úıge qonaqtar keldi, meniń qolym bos emes. Sizge keıinirek habarlasamyn,- dep telefon tutqasyn qoıa saldy. Qyzymyz bizge kúıeýi men ata-enesi jaqsy adamdar dep aıtyp júrdi. Biz oǵan senip júrsek...

Búginde ol erkektiń áıeli men eki balasy bar ekendigin bilip otyrmyz. Ol bizdiń qyzymyzǵa eshteńe aıtpaǵan. Danara osy shyndyqty bilgennen keıin, shydaı almaı, óz-ózine qol jumsaǵan. Ol asylyp óldi. Olar meniń 19 jastaǵy qyzymnyń abyroıyn tókti. Alǵan jigiti áıeli men bala-shaǵasy bar ekendigin jasyrǵan»,- dep qaıǵy shekken Danaranyń anasy İnjý bolǵan oqıǵanyń anyq-qanyǵyn jaıyp saldy.

Danaranyń týysqandary Tereńsaı aımaǵynyń Áıteke bı aýylynda turady. Danaranyń anasy osydan buryn da bir qyzynan aıyrylǵandyǵyn aıtty.

«Men bes balanyń anasymyn, eki ul, úsh qyzym bar. 2007 jyly meniń 12 jastaǵy qyzym sýǵa tunshyǵyp, qaıtys boldy. Dál 10 jyl ótken ýaqytta ekinshi qyzymdy kómip otyrmyn»,- dedi ol.

«Qyzymnyń ólimine kinálilerdi zańnyń meıilinshe qataldyǵyna súıenip, jazasyn tartqyzǵym keledi. biraq ol úshin maǵan jaqsy qorǵaýshy kerek»,- deıdi İnjý kózine jas alyp.  

Danaranyń denesin aýylyna alyp kelgen, onyń aǵasy Altaı, polısıa osy jaǵdaı boıynsha, qylmystyq is qozǵaǵandyǵy jóninde aıtty.

«Men nemere qyzymnyń denesin Atyraý oblysynan alyp keldim. Sol jerde polısıaǵa aryz jazyp kettim. Olar qylmystyq kodekstiń 1 bólimi 105 baby boıynsha is qozǵady (Adam namysyn qorlaý men qatygez qarym-qatynas jasaý arqyly adamy óz-ózine qol jumsaýǵa deıin aparý)».

Ekspertıza da Atyraýda jasaldy. Degenmen, onyń nátıjesi bizge áli de jarıalanǵan joq, bir apta ýaqyt talap etiledi delindi.

Jigittiń týystary da áli tis jarǵan joq. Biz áli kúnge deıin ólimniń naqty qandaı jaǵdaıda oryn alǵandyǵy belgisiz. Ol jaı ǵana ólip qaldy. Onyń ólimine kim jaýap beretindigi de belgisiz»– dedi Altaı.