Búgin, 15 qarashada, ekonomıka qarjy sektorynyń qyzmetkerleri ózderiniń kásibı merekesi – Qarjygerler kúnin atap ótti, — dep habarlaıdy Qamshy.kz aqparat agenttigi. Osy kúndi tańdaý kezdeısoq emes jáne bul kún ózimizdiń ulttyq valútamyz — teńgeniń 1993 jyldyń 15 qarashasynda aınalymǵa enýimen baılanysty. Qazirgi qoǵamda kez kelgen jumystyń, ár kásiptiń ıesi bar. Adam balasy mamandyq ıesi bola tura atqaratyn jumysynyń qıyndyǵy men aýyrlyǵyna tóze bilýi kerek. Barlyq kásip ózdiginshe erekshe jáne mańyzdy. Ár kásiptiń óziniń jumys ózgesheligi, óziniń qaıtalanbas tarıhy, óz qundylyǵy jáne óz batyrlary bar.

Sondaı batyr qarjyger keıipkerimiz leıtenant Mýhamedıeva Danagýl Kýsaınovna Radıelektronıka jáne baılanys áskerı-ınjenerlik ınstıtýtynda 2013 jyldan beri qyzmet atqarady. 2007 jyly Turar Rusqulov atyndaǵy Qazaq Ekonomıkalyq Ýnıversıtetin támadaǵan Danagýl, áskerı salaǵa deıin bank salasynda qyzmet atqaryp, tájirbıe jınaqtaıdy.

Instıtýtymyzdyń 2017 oqý jylynyń qorytyndysy boıynsha, leıtenant D.Mýhamedıeva úzdik qarjyger qyzmetker retinde tanyldy. Osyǵan oraı áskerı ınstıtýttyń qarjy qyzmetiniń bastyǵy podpolkovnık Mýstafın Marat Týláganovıch baǵynyshty áriptesterin tól merekelerimen quttyqtap, basty keıipkerimiz Danagýlge Kolen Ternerdiń «Ýmnyı, stan bogatym!» kitabyn syılyqqa tapsyrdy.