Qazaqstandyq otbasylar «Nurly jer» baǵdarlamasy boıynsha baspanaǵa ıe bolýy úshin qansha aılyq tabysy bolýy kerektigi jóninde IDM Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov aıtyp berdi,- dep Qamshy.kz aqparat agenttigi kazpress-ke silteme berip jazady.

«Baǵdarlama sátti bastalyp ketkendigi belgili. Qazirdiń ózinde turǵyn-úı qurylys jınaǵy júıesi arqyly salymshylar sany mıllıon adamdy quraıdy. Ótken jyly olardyń sany 250 myńǵa tómen bolatyn. Bul joly biz baspana baǵasyn memlekettik baǵdarlama boıynsha eseptedik.  Aımaqtarda bir sharshy metr 140 myń teńge bolsa, Almaty, Astana, Atyraý men Aqtaý qalalarynda – 180 myń teńge. Mysaly, 50 sharshy metrlik eki bólmeli páter aımaqtarda 7 mıllıon teńgeni qurasa, qalǵan tórt qalada 9 mıllıon bolaryn esepteýge bolady»,-dedi Marhabat Jaıymbetov.

Onyń sózinshe, «Nurly jer» baǵdarlamasy boıynsha úı alýǵa nıetti otbasy 150-200 myń aılyq tabysy bolýy kerek.

«Eger aı saıyn 50-70 myń teńge tólep otyratyn bolsa, bul aıyna 150-200 myń tabysy bar otbasylarǵa laıyqty bolady. 7-10 jyl ishinde alǵan páterdiń qunyn tolyqtaı óteýge bolady»,-dedi ol.