Almaty oblysyndaǵy Qapshaǵaı qalasynyń soty Qazaqstan jýrnalıser odaǵynyń tóraǵasy, "qarjy jymqyrdy" jáne salyqtan jaltardy" degen aıyppen sottalǵan Seıitqazy Mataevtyń ózin shartty túrde merziminen buryn bosatý týraly shaǵymyn qarady. Sot Seıitqazy Mataevty merziminen buryn shartty túrde bosatý týraly sheshim shyǵardy. Prokýrordyń qarsylyǵy bolmasa Mataev 15 kúnde bosatylady.
Sýdıa Seıitqazy Mataevtyń advokaty Madına Bakıevanyń, Mataev jazasyn ótep jatqan kolonıa ókiliniń ýájderin tyńdady. Sotqa Seıitqazy Mataevtyń ózin ákelmedi. Ol sotqa túrmeden vıdeo baılanys arqyly qatystyryldy. Bul týraly Qamshy.kz aqparat agenttigi Azattyqqa silteme berip jazady.
Sotta LA 155/4 kolonıasynyń ókili Seıitqazy Mataevtyń túrmedegi tártibi "jaqsy bolǵanyn", "úlgili minez-qulqy úshin yntalandyrýǵa ıe bolǵanyn" aıtyp, sottalýshyny merziminen buryn bosatýdy qoldaıtynyn málimdedi.
Madına Bakıeva Seıitqazy Mataevtyń qazan aıynda 63 jasqa, ıaǵnı zeınet jasyna tolǵanyn aıtyp, zań boıynsha zeınetkerler jaza merziminiń úshten birin ótegen jaǵdaıda shartty túrde merziminen buryn bosatýǵa bolatynyn aıtty.
Sotta vıdeo baılanys arqyly jaýap bergen kolonıa dárigerleri Mataevtyń qan qysymy kóterilip ketetinin, túrmeniń sanıtarlyq bóliminde tıisti em-dom ala almaıtynyn aıtyp, ony shartty túrde merziminen buryn bosatýdy qoldady.
Budan soń sóz alǵan prokýror Seıitqazy Mataev sot úkimi boıynsha memleketke keltirildi degen 200 mıllıon teńge qarjylyq zalaldy ótemegenin aıtyp, ony bosatýǵa qarsylyq bildirdi. Sot keńesýge shyǵyp ketip, biraz ýaqyttan soń sot sheshimi búgin keshki saǵat 17-de shyǵatynyn aıtqan.
Mataevtyń shaǵymy boıynsha sottan tikeleı translásıa
2016 jyly qazannyń 3-i Astananyń Esil aýdandyq soty Ulttyq baspasóz klýbynyń jetekshisi Seıitqazy Mataevty "qarjy jymqyrdy" jáne salyqtan jaltardy" degen aıyptarmen alty jylǵa, al QazTAG agenttiginiń dırektory Áset Mataevty "qarjy jymqyrdy" degen aıyppen bes jylǵa sottaǵan. Úkim boıynsha Mataevtar aqparat jáne komýnıkasıa mınıstrligine - 169 mıllıon teńge, "Qazaqtelekom" kompanıasyna 140 mıllıon teńge qaıtarýy tıis bolǵan. Mataevtar ózderine taǵylǵan aıypty moıyndamaıdy.
