Oral qalasynda Batys Qazaqstan ınovasıalyq-tehnologıalyq ýnıversıtetiniń sport bazasynda «Intergaz Ortalyq Azıa» AQ, «Oral» magıstraldy gaz qubyrlary basqarmasynyń uıymdastyrýymen «Ákem, anam jáne men - biz sporttyq otbasy» atty is-sharasy ótti.

  Atalmysh basqarma qyzmetkerleri el táýelsizdiginiń 25 jyldyǵyna oraı birneshe sharalarǵa belsene qatysyp keledi. Jarystyń ashylý saltanatynda basqarma basshysy Ázimbek Asarov sóz sóılep qatysýshylarǵa sáttilik tiledi.   Aıta ketsek, ana men balaǵa qamqorlyq jasaý, otbasyn qoldaý, ulttyq qundylyqtardy saqtaý isine memlekettik organdar ǵana emes, elimizdegi iri kompanıalar, úkimettik emes uıymdar, qoǵamdyq uıymdar qatysýynyń sandyq jáne sapalyq kórsetkishi arta túsýde. Aıtalyq, úkimettik emes uıymdardyń qatysýymen «Salamatty otbasy», «Múmkindikteri shekteýli áıelderdiń densaýlyǵyn saqtaý», «Tolyq otbasy», «Ana men bala», «Otbasynyń qoly­nan bári keledi», «Reprodýktıvtik den­saýlyqty saqtaý, otbasyn jos­parlaý, júktilikke daıyndaý jáne halyqty, medısına qyzmetkerlerin oqytý arqyly deni saý bala týý» atty áleýmettik jobalar iske asyrylýda. Bul sharada sol jobalardyń jalǵasy bolatyn.

 Atalmysh sharǵa ákesi, anasy jáne balalarynan  quralǵan bes otbasy saıysqa qatysty. Shejin (Tasqala) lınıalyq óndiristik ýchaskesi, Jańaqala lınıalyq ýchaskesi jáne qalalyq mekemelerden úsh otbasy qatysyp, óz baqtaryn synady. Baıqaýda estafetalyq oıyndar, ákeler arasyndaǵy saıys, qappen júgirý sıaqty jarys túrleri kórinis tapty. Otbasylyq qundylyqty berik ustanǵan otbasy músheleri barynsha namysty qoldan bermeı, jarys kórkin qyzdyrdy. Saıystyń 10 túrinen óner kórsetken otbasylardyń arasynan Tilepbergenovter otbasy (Shejin lınıalyq óndiristik ýchaskesi) jeńis tuǵyrynan kórindi. Ekinshi jáne úshinshi oryndardy Qusanovtar otbasy (Oral lınıalyq óndiristik ýchaskesi) men Mahambetovter otbasy (Jańaqala lınıalyq óndiristik ýchaskesi) ózara bólisti. Baıqaýdyń jeńimpazdary men júldegerleri  dıplom, aqshalaı jáne baǵaly syılyqtarmen marapattaldy.

Gúlim AQAP,

Batys Qazaqstan oblysy