Habar-osharsyz ketken brıtandyq saıahatshy Benedıkt Allen Papýa - jańa Gvıneıa mańyndaǵy ıesiz qalǵan aerodromnyń mańynan aman-esen tabyldy dep jazady Qamshy.kz aqparat agenttigi BBC.com - ǵa silteme jasap.
Iaıfo taıpasyn izdep Jýnglıge attanǵan 57 jastaǵy Allen 14-shi qarashada úıine qaıtý kerek bolǵan, alaıda ol kúni úıine oralmaǵan. Osydan keıin týystary dabyl qaqqan.
Jaqyndarynyń aıtýy boıynsha, Allen buǵan deıin de eshqandaı navıgator, uıaly telefonsyz, spýtnıksiz saparǵa shyǵatyn. Alaıda eshqashan reıske keshikpeıtin.
Qazir Allendi evakýasıalaýdyń amaldary qarastyrylyp jatyr, alaıda oǵan eshqandaı qaýip tónip turǵan joq dep aıtý qıyn.
Allenniń agenti Djo Sarsbı onyń Enga provınsıasynyń Proger qalasynan 32 shaqyrym qashyqtyqtaǵy aerodromnan tabylǵandyǵyn rastady.
«Biz onyń naqty qaıda ekenin bilemiz. Allendi evakýasıalaý úshin daıyndyq jumystaryn júrgizip jatyrmyz» deıdi Djo Sarsbı.
Agenttiń aıtýynsha, taıpa ókilderi basqa adamdar mazalamaýy úshin kópirdiń barlyǵyn qıratqan. Sol sebepti saıahatshyǵa jeńil kólikpen jetý múmkin emes, oǵan tik ushaq jiberiledi.
Alǵash ret Allen órkenıetti álemnen qashatyn Iaıfo taıpasymen 30 jyl buryn kezdesken. Bul jolǵy saparynyń maqsaty – arnaıy Bı-bı-sı arnasy úshin Iaıfo taıpasy jaıly derekti fılm túsirý bolǵan. Bul joly Allen saparǵa eshqandaı baılanys quralynsyz, GPS- navıgatorsyz attanǵan.
Jergilikti taıpa turǵyn Allendi aerodromnyń mańynan kórgendikterin jáne ol ony qutqarýdy suraǵandyǵyn Radio4 efırinen Frank Gardner habarlaǵan bolatyn.
Allenniń ápkesiniń aıtýy boıynsha, ol jýnglıde qalaı kún kórý kerek ekendigin jaqsy biledi jáne jergilikti turǵyndarmen ońaı til tabysyp kete alady. Bastysy qaraqshylarǵa jolyqpasa bolǵany.
Benedıkt Allen 22 jasynda saıahatqa alǵash ret jalǵyz shyqqan. Saıahatshy jalańaıaq Amazonka ózenin kanoemen kesip ótken.
Sondaı-aq ol Papýa - jańa Gvıneıada erlerge arnalǵan alty aptalyq rásimge qatysyp, saltanat kezinde 20 erkekpen birge qoltyraýyn uıasynda otyrǵan.
Óziniń keı saıahattaryn Bı-bı-sı arnasyna derekti fılm retinde túsirgen, óz saparlary jaıly kitap jazǵan.
Benedıkt Allen Tvıtter paraqshasyndaǵy sońǵy jazbasyn 11-shi qazanda jarıalaǵan. Onda: «Men Papýa - jańa Gvıneıaǵa attanyp baramyn. Meni qutqarýǵa tyryspańdar. Meni báribir taba almaısyńdar» dep jazǵan.
Saıahatshy ashtan ólmeýi úshin óz ıtin jeýge májbúr bolǵan kezin ómirindegi eń aýyr sáti ekenin aıtady.
Benedıkt Allenniń otbasy Chehıada ómir súredi.
