Juldyz Ábdikárimova Qaırat Nurtasqa turmysqa shyqqan kezdegi alǵashqy sátterdi esine aldy. Bul týraly Qamshy.kz aqparat agenttigi Juldyzdyń óz Instagram paraqshasyna qaldyrǵan jazbasyna súıenip jazady.
Instagram-dy nebári eki aı buryn ashqan Qaırattyń jubaıyna jazylýshylar sany kózdi ashyp jumǵansha 345 myńǵa jetti. Onyń sońǵy jazbasy Qaırattyń otbasyna alǵash ret kelin bolyp túsken kezine arnalady.
Jazbada Juldyz Qaıratpen aradaǵy mahabbat ushqynynyń 2007 jyly jalyndap, 18-19 jastaǵy jastardyń baqyttan basy aınalǵan kezin sýretteýmen bastalady. Eki jastyń júregi baqyt pen máńgilik mahabbat sońynan qandaı áreketke bolsyn barýǵa daıar ekendigi de aǵynan jaryla jazylǵan.
«Ekeýmiz shańyraq qurýǵa sheshim qabyldaǵanda aınaladaǵylardyń aıtqandaryna mán bergimiz kelmedi. Bastysy, onyń ata-anasy kelisimdi berden berdi, meniń ákem basynda bul týraly bilmegen, artynan ony da kóndirdik. Betashardan eki kún ótkende Qaırat anasymen Qazaqstan qalalaryn aralap, gastrólge ketti. Úıde áke men 10-12 jastaǵy balalarmen birge qaldym. Óz otbasymda kenje qyz bolǵandyqtan, tamaq isteı almaıtynmyn. Degenmen, úıdi jınaý meniń myqty qasıetim boldy»,- dep jazdy Juldyz.
Bul jazbanyń sońynda ol az ýaqyttan keıin jalǵasyn jazatyndyǵyn aıtty.
Jeli qoldanýshylary eger Juldyz kitap jazatyn bolsa ony satyp alatyndyqtaryn jáne Qaırat ekeýine mol baqyt tileıtindikterin aıtyp jatyr. «Siz óte sulýsyz, sizdi alǵan Qaırat baqytty» dep, tilekterin jaýdyryp jatty.
