Jasulan Ábdihalyq Jambyl oblystyq telearnasynyń dırektory qyzmetine taǵaıyndaldy, dep Qamshy.kz aqparat agenttigi habarlaıdy.
Bul týraly Berik Ýálı óziniń Facebook paraqshasyna bólisti. Jasulan Ábdihalyqtyń jańa qyzmetke taǵaıyndalǵanyna shyn qýanǵan Berik Ýálı bylaı dep jazdy:
-İnim, áriptesim, dosym Jasulandy jańa qyzmetimen shyn júrekten quttyqtaımyn! Ol Jambyl telearnasyn osydan 15 jyl buryn qatardaǵy tilshi bolyp attaǵan. Sodan redaktorlyq, dıktorlyq, aǵa redaktor qyzmetterine satylap ósip telearnanyń bas redaktory - dırektordyń orynbasarlyǵyna deıin jetti.
Aǵa býyn jýrnalıserden tálim ala júrip, talaı tilshini tárbıeledi. Menshikti tilshi degen qyzmettiń maıyn ishti. Ulttyq arnanyń, Habardyń, 24kz-tiń Jambyl, Aqmola oblystaryndaǵy tilshiler qosynyn basqardy. Habardyń ortalyq jańalyǵynda qyzmet etti.
Qaı arnada bolmasyn óz bıigin joǵaltqan joq. Al, sońǵy úsh jylda úsh úlken salanyń baspasóz qyzmetin basqaryp memlekettik qyzmetke tóseldi. Jasulannyń jaqsy qasıeti táýekelshil. Talaı jigit júreksingen OQO baspasóz qyzmetine shaqyrýymdy qabyl alyp, Kókshetaýdan kelip bilek sybanyp kirisip ketti. Birlesip úlken jumystar atqardyq.
Odan Nur Otan partıasynda naǵyz saıası naýqanda (Májilis saılaýy) birge eńbek ettik. Sońǵy qyzmeti Aýyl sharýashylyǵy mınıstrliginde baspasóz-hatshysy, qoǵammen baılanys basqarmasyn basqardy. Endi mine jýrnalısıkaǵa qaıta oralyp, týǵan jerindegi telarnany túletýge jol tartty.
Erlan Qarın myrzanyń kadr tańdaýdaǵy sheberligine taǵy da tánti boldyq. Buǵan deıin Qostanaı fılıalyna Erkin Tańatqandy basshylyqqa jibergende qýanyp edik. Ekeýide eńbek joldaryn týǵan jerdegi telernadan bastap, sol óńirdiń ystyq-sýyǵyn jetik biletin, ortalyqta tájirıbe jınaqtaǵan bilikti mamandar.
Al Jasulan baýyrym, jortqanda jolyń bolsyn! Senimdi aqtap, ultyńa, jurtyńa qyzmet etýden jalyqpa.
