Shymkenttegi Qarataý aýdandyq soty "ózge dinge kirgeni úshin áıelin pyshaqtaǵanyn" málimdegen Haırolla Narmetovty eki aıǵa qamaýǵa alý týraly qaýly shyǵardy dep habarlaıdy Qamshy.kz aqparat agenttigi Azattyqqa silteme jasap. 

"Ońtústik Qazaqstan oblysy Saıram aýdanynyń 1983 jyly týǵan turǵyny Haırolla Narmetovti 12 qarashada bolǵan oqıǵaǵa baılanysty Qarataý aýdandyq polısıa bólimi arnaıy kúzetpen Qarataý aýdandyq sotyna sanksıa shyǵarýǵa alyp keldi. Ol sot barysynda kinásin tolyǵymen moıyndap, ony ashýmen jasaǵanyn aıtyp, istegen isine ókinetinin bildirdi" deıdi Baǵlan Ámirálıev.

Onyń aıtýynsha, sot kúdiktini Qylmystyq kodekstiń 106-babynyń 1-bóligimen ("qasaqana aýyr dene jaraqatyn salý") kúdikti dep tanyp, eki aı merzimge qamaýǵa alýǵa qaýly etti.

Oblystyq densaýlyq saqtaý basqarmasynyń baspasóz hytshysy Asylbek Dosalynyń Azattyqqa habarlaýynsha, Haırolla Narmetovtyń áıeliniń qazirgi jaǵdaıy qalypty. Áıel jan saqtaý bóliminen jeke palataǵa aýystyrylǵan.

Kúdikti Haırolla Narmetov áıelimen bolǵan janjaldan soń túsirgen vıdeo úndeýinde "áıelin basqa dinge ótkeni úshin óltirdim" dep málimdegen. Bul vıdeo 13 qarashada áleýmettik jelige tarap ketken edi.