Keshe keshkisin Ulttyq ulannyń áskerı jasaǵy Aqtaý qalasynda qoǵamdyq tártip pen qaýipsizdikti qamtamasyz etý kezinde atys qarýymen júrgen buzaqyny qolǵa túsirdi,-dep jazady Qamshy.kz aqparat agenttigi.   

Áskerı jasaq bastyǵy, JPQ  qyzmetkeri polısıa serjanty Beksultan Dildábek jáne patrúlshiler qatardaǵy jaýyngerler Jarasqan Baımyrza men Nursultan Baltabekov baqylaý marshrýtymen kele jatqanda otty qarýdan atylǵan dybysty estıdi.

Shuǵyl qımyldaǵan jaýyngerler dereý atys ornyna qaraı jyljyp, qarýmen oınap turǵan jasóspirimdi baıqaıdy. Áskerı jasaqty kórisimen belgisiz azamat qasha jóneledi. Alaıda, bul kúni oǵan alysqa ketý buıyrmasa kerek. Shaǵyn aýdandy tintý barysynda jasóspirim syrahanalardyń birinen ustalyp, máseleniń anyq-qanyǵyn anyqtaý úshin qalalyq ishki ister basqarmasyna jetkizilgen.  

Qazirgi ýaqytta istiń mán-jaıy anyqtalý ústinde.