«Alash Orda» úkimetiniń qurylǵanyna 100 jyl tolýyna oraı «Azat rýhtyń aldaspandary» atty dástúrli mýzykalyq konserti ótedi, — dep habarlaıdy Qamshy.kz aqparat agenttigi.

22 qarashada «Alataý» dástúrli óner teatrynda Almaty qalasy Din isteri jónindegi basqarmanyń qoldaýymen «Adyrna» ulttyq-etnografıalyq birlestigi Elbasynyń «Bolashaqqa baǵdar: Rýhanı jańǵyrý» baǵdarlamasynyń aıasynda «Alash Orda» úkimetiniń qurylǵanyna 100 jyl tolýyna oraı «Azat rýhtyń aldaspandary» atty dástúrli mýzykalyq konsert uıymdastyrady.

Dástúrli mýzykalyq konserttiń maqsaty – azattyq jolynda qurban bolǵan, atylǵan, abaqtyǵa jabylǵan, jer aıdalǵan kompozıtorlardyń taǵdyrly shyǵarmalary men táýelsizdik, ult taǵdyry týrasyndaǵy halyqtyq án-kúılerdi el nazaryna usyný. Sonymen qatar ataýy sharada jas tolqynǵa óz tarıhyn tanytyp, otansúıgishtik qasıetterdi sińirý isi basty maqsattyń biri bolmaq.

Konsertke Jolaman Qujımanov, Ramazan Stamǵazıev, Erlan Tóleýtaı, Erkin Shúkimanov, Ardaq Isataeva, Talǵat Muqyshev, Amangeldi Kúzeýbaı jáne taǵy basqa belgili óner ıeleri qatysady dep kútilýde.

Sonymen birge ataýly konsert aıasynda «Alataý» dástúrli óner teatrynda «Alash Ordanyń» 100 jyldyǵyna arnalǵan qolóner kórmesi uıymdastyrylady.