18 qarasha kúni saǵat 09.58 shamasynda Oralǵa qarasty Zachagan kentinde gaz-aýa qospasynyń jarylysy boldy, dep habarlaıdy Qamshy.kz aqparat agenttigi QazAqparatqa silteme jasaı otyryp.

BQO TJ departamentinen túsken málimetke qaraǵanda, oqıǵa Tabyn Bókenbaı batyr kóshesi, 3-úıde boldy. Jarylys saldarynan turǵyn úı mansardasynyń frontony opyrylyp qulaǵan. 85 paıyz denesin kúıik shalǵan aıaǵy aýyr 1980 jylǵy áıel oblystyq klınıkalyq aýrýhanaǵa jetkizildi. Denesiniń 3-5 paıyz bóligi kúıgen 1976 jyly týǵan  er adam  men tabıǵı gazben orta dárejede ýlanǵan 1955 jylǵy áıel qalalyq kópbeıindi aýrýhanaǵa tústi.

Sondaı-aq osy úıden úsh bala oblystyq kópbeıindi balalar aýrýhanasyna jetkizilgen. Oblystyq densaýlyq saqtaý basqarmasynyń baspasóz hatshysy Salamat Eralınniń aıtýynsha, qazir oblystyq aýrýhananyń jansaqtaý bóliminde jatqan júkti áıeldiń jaǵdaıy aýyr.