Búgin májiliste ótken Úkimet saǵatynda Aqparat jáne komýnıkasıalar mınıstri "Azamattarǵa arnalǵan úkimet" memlekettik korporasıasynyń qyzmetin úılestirý jáne damytý máseleleri jaıly baıandama jasady dep habarlaıdy Qamshy.kz aqparat agenttigi Aqparat jáne komýnıkasıalar mınıstrliginiń baspasóz qyzmetine silteme jasap. 

Qazirgi kúni «Azamattarǵa arnalǵan úkimettiń» jalpy 350 front-keńsesi bar. Olarda jumys isteıtin 22 000-ǵa jýyq qyzmetker (barlyǵy 21 788) jyl saıyn 37 mıllıonnan astam qyzmet kórsetedi.

D. Abaev memlekettik korporasıa jumysynyń mańyzdy baǵytyn atap ótti.

"Memlekettik korporasıa jumysynyń mańyzdy baǵyty – shalǵaıdaǵy shaǵyn aýyl turǵyndary úshin qyzmetterdiń qoljetimdiligin arttyrý. 

Osy maqsatta Qazaqstan boıynsha 70 mobıldi qyzmet kórsetý ortalyǵy jumys isteıdi. Olar aýyldarǵa jylyna shamamen 13 myń ret baryp qyzmet kórsetedi.

Budan bólek, memlekettik qyzmetterdi «Qazposhtanyń» keńselerinde usyný jónindegi birlesken joba júzege asýda. Bul rette eldi mekenderdiń basym bóligin qamtıtyn ulttyq poshta operatorynyń áleýeti tıimdi qoldanylýda.

Qazirgi kúni memlekettik korporasıanyń keńseleri tańǵy 9-dan keshki 8-ge deıingi ýaqytty qamtyǵan biryńǵaı grafıkpen jumys isteıdi. Alaıda, azamattarǵa yńǵaıly bolýy úshin Astana men Almatyda jáne Shymkent qalasynda tún ortasyna deıin jumys isteıtin halyqqa qyzmet kórsetý ortalyqtary iske qosyldy" dedi mınıstr.