Júregimiz barady-aý tasqa aınalyp

/uploads/thumbnail/20171120170558340_small.jpg

Qarasýyq.
Qarasha.
Qala kúzi.
Eki taǵdyr kórdim men nala júzi.
Eki jetim joq úıi, joq azyǵy,
Týa salyp taýqymet tartatyndaı,
Ne jazyǵy bar edi,
Ne jazyǵy?

Sony oıladym,
Qaltyrap kúz qoınynda,
Kóp oıladym oranyp muzdaı muńǵa.
Qushaqtasyp jatty olar,
"Eshkimniń de,
Haqysy joq, degendeı, bizdi aıyrýǵa!".

Aǵasynyń bilegin jastanyp ap,
Jatty inisi janaryn jasqa bulap.
Qos muńlyqty eleıtin eshbir jan joq,
Qala,
Dala,
Qalǵandaı bos qańyrap.

Taryqsa da taba almaı túner oryn,
Taǵdyrynyń kúrdeli kúre jolyn, -
Jazǵyrmaıdy eshqashan.
Tas jastyqta
Jatsa-daǵy, jup-jumsaq júregi onyń.

Al, bizdiń she,
...Qaıtemiz bosqa aıla ǵyp?
Keıde kúpir qylamyz jastaı nalyp.
Qus jastyqty qushaqtap jatsaq-taǵy,
Júregimiz barady-aý tasqa aınalyp.

Qalqaman SARIN

Júregimiz barady-aý tasqa aınalyp

Qatysty Maqalalar