Qazaqstanǵa «Borat» fılmi arqyly tanylǵan brıtandyq komedıa janrynyń ártisi, akter Sasha Baron Koen Qazaqstanǵa Chehıadan kelgen týrıserdi qoldaıtynyn aıtty, dep Qamshy.kz aqparat agenttigi kazpress-ke silteme berip jazady.
Eske sala ketsek, chehıalyq týrıser 10 qarashada Astanada EKSPO avtoturaǵyndaǵy "I love Astana" jazýynyń aldynda «Borattyń shomylý kıimi» atalyp ketken kıimde jartylaı jalańashtanyp sýretke túsken.
Bul oqıǵa jóninde akter jańalyqtardan estigen. Estı salysymen, áleýmettik jelige jazba qaldyrdy, onda:
«Ózimniń qamaýǵa alynǵan chehıalyq dostaryma aıtarym, maǵan jeke málimetterińizdi berseńizder, men aıyppuldy tóleımin»,-dep jazǵan Koen.
Muny júzege asyrý úshin ol erekshe poshta quryp qoıdy, ol arrestedforwearingyourmankini@gmail.com («mankını kıgeni úshin sottalǵandar») dep atalady.
Maıda zań buzýshylyqtar retinde tanylǵan bul aıyp úshin sot otyrysy ótip ketti. Chehıalyq týrıserge taǵylǵan aıyppul kólemi 22 690 teńgeni quraǵan. Qamalǵan sheteldikter ony ótep, elderine qaıtyp ketken.
