Aqmola oblysynda óz-ózine qol jumsaǵandardy bólek jerge jerleý qolǵa alyna bastaǵan. Bul Kókshetaý mańyndaǵy Krasnyı Iar eldi mekeni ımamynyń bastamasy, dep habarlaıdy Qamshy.kz aqparat agenttigi informburo.kz saıtyna silteme jasaı otyryp.
Alǵashqy jyldary mundaı sheshimdi túsinbegen halyq shý shyǵaryp, biraz narazylyqtaryn da bildirgen. Alaıda ımam sýısıdti azaıtyp, halyq arasynda túsindirý jumystaryn júrgizý maqsatynda osyndaı sheshim qabyldaǵanyn aıtty.
«Krasnyı Iar aýylyndaǵy zırattyń eń shetindegi molada jerlengen boıjetken 2010 jyly qaıtys bolypty. Nebári 18 jastaǵy bir úıdiń jalǵyz qyzy oqyp júrgen kolejdiń jataqhanasynda óz-ózine qol jumsaǵan. Ókinishtisi ýaqyt ótken saıyn bul jerdegi molalardyń qatary qalyńdap keledi. Mezgilsiz ólimnen kóz jumǵandardyń basym bóligi – jastar. «Jalpy, jas bolsyn, kári bolsyn, adam balasy óz-ózine qol jumsaýy úlken qate. Sharıǵatqa súıenip, bólek jerleýdiń basty sebebi de osy», — deıdi Krasnyı Iar meshitiniń bas ımamy Naýan Mútáluly.
«Bul bizdiń balalarymyzdyń, bizdiń bolashaǵymyzdyń máselesi. Eger biz qazirdiń ózinde sýısıd boıynsha aldyńǵy qatarda tursaq, erteńgi kúnimizdiń qandaı bolatynyn oılaýdyń ózi qorqynyshty. Óz-ózine qol jumsaýdyń basty sebebi – otbasyndaǵy janjal, túsinispeýshilik», — dep pikir bildirdi psıhoterapevt-dáriger Álıa Nurǵazına.
«Ábý Hanıfa muny úlken kúná dep eseptep, janazasyn shyǵarady. Biraq, bunyń janazasyn fátýa boıynsha ákimder, patshalar, ımamdar shyǵarmaıdy. Qatardaǵy namazhan adamdar shyǵarady. Sebebi, halyqqa bul jek kórinishti amal ekenin kórsetý maqsatynda. Naýan Mútálulynyń aıtýynsha, óz-ózine qol jumsaǵandardyń bólek jerlenetinin kórip, sýısıd jasaý týraly oıynan bas tartqandar da bolypty. Bir áıel balasy 7 jasqa tolǵannan keıin, kúıeýimniń artynan ketem degen sheshim qabyldaǵan. Biraq, osy óz-ózine qol jumsaǵan qyzdyń janazasynda óz-ózine qol jumsaǵan durys emestigin estigennen keıin raıynan qaıtyp, táýbesine kelgen. Statısıkalyq málimetterge súıensek, elimiz jas balalardyń sýısıd jasaýynan toǵyzynshy orynǵa turaqtasa, 15-29 jas aralyǵyndaǵy azamattardyń óz-ózine qol jumsaýy boıynsha Úndistan, Soltústik Koreıa, Zımbabveden keıin tórtinshi orynǵa jetken. Sýısıd jasaǵandardy bólek jerleýge «Aýyl adamdary bastapqyda qarsy shyqqanmen, ýaqyt óte durys ekendigine kózderi jetti. Mundaǵy basty maqsat: sýısıdtiń aldyn alý, adamdardyń shalys basýyna jol bermeý», — deıdi ımam.
