Almaty qalasynda Fýrmanov-Qabanbaı batyr kósheleriniń qıylysynda ornalasqan «Akademknıga» kitaptar dúkeni jabylaıyn dep jatyr. Bul týraly Qamshy.kz aqparat agenttigi habarlaıdy.
Bul kitap dúkeni 1950 jyldan beri 67 jyl boıy jumys istep kelgen. Onyń jabylý sebebi - dúken ıeleriniń Qazaqstannan kóshetin bolǵandyqtan ony satylymǵa berýi eken. Bul týraly «Akademknıga» kitaptar dúkeniniń qyzmetkerleri aıtty.
Uzaq jyldar boıy oqyrmandaryn kitaptarmen qamtamasyz etken osynaý "tarıhı kitaphananyń" jabylýy onyń turaqty kelýshileri men oqyrmandaryna aıtarlyqtaı áser etti.
«Akademknıga» dúkeniniń tek Gogol kóshesindegi bólimi ǵana jumys isteıtin bolady.
Aldaǵy 1 aı kóleminde áli de jumys isteıtin dúken oqyrmandary úshin kitaptaryn sońǵy ret satylymǵa shyǵarady. Kitap dúkeni qyzmetkerleriniń aıtýynsha, barlyq kitaptar Fýrmanov-Gogol qıylysynda ornalasqan bólimshesine jiberiledi.
