Eýrazıa halyqtary assambleıasy bas hatshysynyń orynbasary Tólegen Muhamedjanov Cankt-Peterbýrgte ótken halyqaralyq forýmda Dımashtyń qazaqtar týraly qytaılardyń pikirin qalaı ózgertkenin aıtyp berdi, dep habarlaıdy Qamshy.kz aqparat agenttigi Sputnik Qazaqstanǵa silteme jasaı otyryp.
"Bizdiń ánshimiz 23 jastaǵy Dımash Qudaıbergen qazir Qytaıda nómir birinshi ánshi. Qytaılar árkez bizge qazaqtarǵa joǵarydan qaraıtyn. Tipti olardyń bastaýysh synyptardaǵy kartasynda Qazaqstan aýmaǵy Qytaıǵa kirip ketken.
Minekı, qazir endi bizdiń jigit jarq etip, nómir birinshi "qytaıǵa" aınaldy desek artyq aıtpaspyz. Ony Qytaıda jaqsy kóredi, Dımash arqyly bizdiń elimizdi tanyp-bilip jatyr. Bizdi burynǵydan beter syılap, tilimizdi túsine bastady. Óıtkeni Dımash qazaq tilinde de án aıtyp júr", — dedi Tólegen Muhamedjanov.
Halyqaralyq mádenı qaýymdastyqtyń prezıdenti eýrazıa kontınentindegi elder bir-birimen baılanysyn úzbeý qajettigin erekshe atap ótti.
