Búgin Palatanyń kezekti jalpy otyrysynda Májilis Tóraǵasy Nurlan Nyǵmatýlın basqa elderdiń Qazaqstanǵa qaıtarýǵa tıis beresheketerin ýaqytynda retteý kerektigine nazar aýdardy dep jazady Qamshy.kz aqparat agenttigi.  

Naqtylap aıtqanda bul másele Qazaqstan Úkimetiniń Grýzıa Úkimetine bergen memlekettik kredıtterin qaıta qurylymdaýǵa qatysty ratıfıkasıalyq zań jobasyn talqylaý kezinde kóterildi.

Máselen, depýtat Irına Ýnjakova Grýzıa Úkimetiniń bereshekti qaıtarmaýǵa qatysty jaǵdaıy 20 jyldan asyp bara jatqanyn atap aıtty.

Osydan keıin Májilis Spıkeri qarjy mınıstri Baqyt Sultanovqa: « grýzındik áriptestermen qaryz máselesiniń rettelgeni jaqsy, degenmen, bul bosańsýǵa sebep bolmaýy kerek. Óıtkeni, basqa eldermen qaryzdar boıynsha áli rettelmegen suraqtarbar»,-dedi.

Sondaı-aq, Májilis Tóraǵasy qaıtarylǵan qarjylar búdjet qorjynyn toltyrý kerektigin aıta kelip, - qaryzdy bergennen keıin, ýaqytynda qaıtara bilý kerek,-dedi.