Búgin Astanada QR Mádenıet jáne sport mınıstrligi Tilderdi damytý jáne qoǵamdyq-saıası jumys komıteti men «Sh. Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵynyń» uıymdastyrýymen «Buqaralyq aqparat quraldaryn jáne til mádenıeti» taqyrybynda respýblıkalyq semınar-trenıng ótti.
Astana, Almaty qalalary men 9 oblystyq buqaralyq aqparat quraldarynyń ókilderi jınalǵan basqosýda qazaq tildi baspa jáne medıa BAQ-taǵy sóz qoldanysyndaǵy qatelikter men til tazalyǵy, mádenıeti jáne termınderdiń retti qoldanylýy sóz boldy.
Jıyndy QR Mádenıet jáne sport mınıstrligi Tilderdi damytý jáne qoǵamdyq-saıası jumys komıteti tóraǵasynyń orynbasary Ǵalymjan Sársenbaıuly júrgizip, sóz basynda "Syn - sadaq emes, barlyǵymyzǵa sabaq" ekendigin qatysýshylarǵa eskerte ketti.
Semınar-trenıngte kásibı mamandar dáris oqyp, sheberlik sabaqtaryn kórsetti. F.ǵ.d., profesor Sherýbaı Qurmanbaıuly “Buqaralyq aqparat quraldaryndaǵy sóz qoldanysy” taqyrybynda oı qozǵap, jýrnalıser jıi jiberetin qatelikterge toqtaldy.
Al Ulttyq aýdarma búrosynyń úılestirýshisi, "Jas Alash" gazetiniń Bas redaktorynyń orynbasary Eseı Jeńisuly "Aqparat aıdynyndaǵy qazaq tili: qandaı qatelikter jiberip júrmiz?" degen taqyrypta óz oıymen bólisti. Telearna tilindegi qatelikterge aıryqsha toqtylyp, basylym betterinde de ushyratatyn tildik normaǵa saı kelmeıtin birqatar sózderdiń maǵynasyn ashyp túsindirdi. Júrgizýshiler men komentatorlarǵa tilikeleı efır barysynda óreskel qatelikke jol bermeýdiń joldaryn aıtyp ótti.
Suqbat barysynda jýrnalısiń "juldyzyn jaǵatyn" suraǵy men qonaǵy ekeni anyq. Sondyqtan jýrnalıs suqbattaspas buryn keıipkerin jiti zertteıdi. Onyń oıy men sózine salmaqpen qaraýy shart. Semınar barysynda qonaq tańdaý, taldaý máselesine “Respýblıkalyq radıo” JSHS Bas dırektorynyń orynbasary, "Qazaq radıosynyń" jetekshisi Serik Seıitman toqtaldy. Efırge qonaq tańdaýda tele-radıo jýrnalıseri eskerýge tıis mańyzdy jaıttardy jiktep berdi. Sonymen qatar, radıo salasynda kórkemdik keńesten ótpeı, sátsiz shyqqan óleńderdi taldap, uıqas qýýdyń sońy tek qana qatelik ekenin qadap aıtty.
Shara barysynda “Til-audit.kz” saıtynyń redaktory Jasulan Naýryzalıev ortalyq jáne jergilikti atqarýshy organdardyń resmı ınternet-resýrsyndaǵy memlekettik tildiń ahýalyna toqtaldy. Ol naqty dáleldemelermen qazaq tildi ınternet resýrstardyń kemshilikteri men qatelikterin tizip ótti.
Semınar-trenıng sońynda jýrnalıser ǵalymdarǵa, sala mamandaryna suraqtaryn joldap, tushymdy jaýap aldy. Ǵalymjan Sársenbaıuly saltanatty túrde qatysýshylarǵa sertıfıkat tabystyp, atalmysh shara aldaǵy ýaqytta jylyna eki ret ótkiziletindigin tilge tıek etti.
