Túrkıa Qaýipsizdik kúshteri Qarjy mınıstrliginiń burynǵy 82 qyzmetkerin ustaý operasıasyn oryndaý ústinde. Qarjy mınıstrliginiń qyzmetkerlerine opozısıalyq ıslamdy ýaǵyzdaýshy Fethýllah Gúlenmen (FETO) baılanysy bar degen aıyp taǵyldy. Bul týraly jergilikti NTV arnasy habarlady, dep jazady Qamshy.kz aqparat agenttigi.
Ankara prokýratýrasy qamaýǵa order berdi. Búginde 17 kúdiktiniń ustalǵany habarlandy. Olar FETO músheleriniń shıfrlanǵan habarlamalardy aýystyrý úshin qoldanatyn ByLock baǵdarlamasyn paıdalanýshylar qatarynan bolyp shyqty.
Eske salsaq, búlikshiler toby 2016 jyly 16 shildege qaraǵan túni Túrkıada áskerı tóńkeris jasaǵan. Qaqtyǵystardyń basy Ankara men Ystambulda boldy. Nátıjesinde 240 túrik azamattary qaza taýyp, 2 myńǵa jýyq adam jaralandy. Búlikten keıin Túrkıada 50 myńǵa jýyq adam qamalyp, 140 myń memlekettik qyzmetker jumystan qýyldy.
