2017 jylǵy 23 qarashada Astana  qalasy,  Dostyq kóshesindegi Qazaqstan Respýblıkasy Ulttyq Akademıalyq kitaphanasynyń Konstıtýsıa zalynda saǵat 10.00 de «Ulttyq termınqordy júıeleýdiń teorıalyq jáne ǵylymı –tájirıbelik negizderi» respýblıkalyq ǵylymı- teorıalyq konferensıasy bolady,- dep jazady Qamshy.kz aqparat agenttigi. 

Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası  jumystar komıtetiniń  tapsyrmasy boıynsha Sh.Shaıahmetov atyndaǵy tilderdi damytýdyń respýblıkalyq úılestirý –ádistemelik ortalyǵy   2017 jylǵy 23  qarashada Astana qalasynda  «Ulttyq termınqordy júıeleýdiń teorıalyq jáne ǵylymı –tájirıbelik negizderi» taqyrybynda  respýblıkalyq ǵylymı-teorıalyq konferensıa ótkizedi.

Konferensıada qazirgi termınjasam, termınqordy júıeleýdiń máseleleri,  Alash qozǵalysy zıalylarynyń qazaq termınjasam qaǵıdalaryn qalyptastyrýdaǵy orny, termınderdi retteý, birizdileý men standarttaýdyń  mańyzdy teorıalyq jáne ǵylymı –praktıkalyq máseleleri qozǵalady.    

Atalǵan konferensıaǵa Qazaqstan Respýblıkasy Úkimetiniń janyndaǵy Respýblıkalyq memlekettik termınologıalyq komısıa músheleri, QR Qazaqstan Respýblıkasy Mádenıet jáne sport mınıstrliginiń jaýapty qyzmetkerleri, termınolog-ǵalymdar, doktoranttar men magıstrlar,  ortalyq jáne jergilikti atqarýshy  memlekettik organdardyń  qyzmetkerleri,   sondaı-aq qoǵamdyq uıymdar, zıaly qaýym ókilderi men BAQ  qatysady.