Kezdesýde Nursultan Nazarbaevqa elimizdiń qarýly kúshteriniń qazirgi jaǵdaıy jáne mınıstrliktiń bıylǵy jumys josparynyń iske asyrylý barysy jóninde esep berildi dep habarlaıdy Qamshy.kz aqparat agenttigi Aqordaǵa silteme jasaı otyryp.
Qazaqstan Prezıdenti áskerı qyzmetshilerdi áleýmettik turǵyda qamtamasyz etý sharalarynyń júzege asyrylýyna erekshe nazar aýdaryp, osy baǵyttaǵy jumystardy jalǵastyrýdyń mańyzdylyǵyn atap ótti.
Qorǵanys mınıstri Memleket basshysyna eńbekaqyny kóbeıtý jóninde sheshim qabyldaǵany úshin áskerı qyzmetshilerdiń rızashylyǵyn jetkizdi.
Budan bólek, Sáken Jasuzaqov Elbasyǵa jaldamaly turǵyn-úı men turǵyn-úı qurylys jınaq júıesiniń tetikterin paıdalaný arqyly áskerı qyzmetshilerdiń turǵyn-úı máselesin sheshýge baǵyttalǵan sharalar jóninde málimdedi.
Sondaı-aq, Qorǵanys mınıstri Memleket basshysyna Qazaqstan armıasyn materıaldyq-tehnıkalyq turǵyda jabdyqtaý jáne 2017 jyly el jastaryn áskerı-patrıottyq rýhta tárbıeleý baǵytynda atqarylǵan jumystar jóninde málimet usyndy.
Kezdesý qorytyndysy boıynsha Qazaqstan Prezıdenti birqatar naqty tapsyrma berdi.
