Túrkıa Qazaqstandaǵy túrik lıseıleriniń muǵalimderin ıslam dinin ýaǵyzdaýshy Fethýllah Gúlenmen qatysy bar dep aıyptap, elge qaıtarýdy talap etip jatyr dep habarlaıdy Qamshy.kz aqparat agenttigi Ortalyq Azıanyń jańalyqtar qyzmetine silteme jasaı otyryp.
Qazaqstan prezıdenti osyǵan deıin muǵalimderdi Túrkıaǵa bermeıtinin málimdegen. Biraq soǵan qaramastan túrik bıligi olarǵa bosqyn mártebesin bermeýdi talap etedi.
Tamyz aıynda mıgrasıalyq qyzmet ókilderi aǵartý-ınnovasıalyq lıseıdiń Túrkıadan kelgen muǵalimi Osman Demıreldiń úıiniń esigin qaqqan. Olar qyzdarynyń merzimi ótip ketken qujattaryn suraǵan. Osy ýaqytqa deıin Qazaqstandaǵy Túrkıa elshiligi qujattardyń merzimin uzartý týraly ótinishterine qulaq aspaǵan.
Zańger Álibek Smaılov Túrkıadan kelgen muǵalimder Qazaqstanda bosqyn mártebesin suraǵan kúnniń ózinde, olarǵa berýi ekitalaı deıdi. Rasynda mıgrasıalyq qyzmet olardy elinde qýdalap jatqany jónindegi qujattary jetkiliksiz deıdi.
Qazaqstanda qazirgi ýaqytta qazaq-túrik mektepteriniń túlekteri arasynda muǵalimderin qorǵaýǵa arnalǵan fleshmob júrip jatyr. Qazaqstanda ótken jyly túrik lıseıleri aǵartý- ınovasıalyq lıseıi bolyp ózgertilgen.
Búgingi kúni 27 memlekettik, 3 jeke lıseı, 2 halyqaralyq mektep, 2 kolej ben 1 Súleımen Demırel atyndaǵy ýnıversıtet bar.
