Aqmola oblysynda 100 myń teńgege 20 jastaǵy qyzdy satpaq bolǵan kúdikti ustaldy, — dep habarlaıdy Qamshy.kz aqparat agenttigi QazAqparatqa silteme jasaı otyryp.
İİD baspasóz qyzmetiniń málimeti boıynsha İİD Uıymdasqan qylmyspen kúres basqarmasynyń qyzmetkerlerine qarasha aıynda er adamnyń 20 jastaǵy beıjetkendi 100 myń teńgege satqysy keletindigi jóninde aqparat túsken.
«Saýdanyń qashan jáne qaı jerde ótkiziletin anyqtaý boıynsha keshendi sharalar júrgizildi. Nátıjesinde 22 qarashada kúdikti satyp alýshydan «tiri taýar» úshin suraǵan aqshasyn alyp jatqanda qolǵa tústi. Kúdikti 21 jastaǵy kókshetaýlyq bolyp shyqty. Kúdiktiniń túsiniktemesine qaraǵanda ol Astana qalasynda Atbasar aýdanynyń týmasy 20 jastaǵy qyzben tanysqan. Boıjetken oǵan jumys izdep júrgenin aıtyp, kómek suraǵan. Oǵan kómektesýge ýáde bergen kúdikti qyzdyń ózin satyp máselesin sheship bermek bolǵan», — dep túsindirdi baspasóz qyzmetindegiler.
Qazirgi kezde, osy oqıǵaǵa baılanysty QR QK 128-babynyń 1 bólimi boıynsha (adam saýdasy) sotqa deıingi tergeý amaldary júrgizilýde.
