«Facebook» jáne «Odnoklassnıkı» áleýmettik jelilerinde «Vostochnokazahstansy vseh stran, obedınáıtes!» degen paraqshalar paıda boldy. Bul paraqsha planetanyń ár buryshynda júrgen jerlesterimizdiń basyn qosty, dep habarlaıdy Qamshy.kz aqparat agenttigi.
«Rýhanı jańǵyrý» memlekettik baǵdarlamasyn júzege asyrý aıasynda Shyǵys Qazaqstanda halyqtyń patrıottyq rýhyn, kishi otanǵa, óz ólkesiniń tarıhyna degen súıispenshilikti tárbeleý boıynsha belsendi is-sharalar júrgizilýde.Mundaı jumystardyń bizdiń zamanda áleýmettik jelilerde júrgilýi tıimdi bolyp tabylatyny belgili. Sondyqtan oblys turǵyndarymen Shyǵys Qazaqstan týmalarynyń rýhanı birligin saqtaý maqsatynda Facebook» jáne «Odnoklassnıkı» áleýmettik jelilerinde «Vostochnokazahstansy vseh stran, obedınáıtes!», «Instagram» jáne «VKontaktede» - «I love VKO» atty arnaıy paraqshalar quryldy. Munda aımaq turǵyndary men basqa jerlerde júrgen jerlesterimizdi habardar etý úshin oblysta bolyp jatqan mańyzdy jańalyqtar týraly aqparattyq materıaldar jarıalanyp otyrady. Osy ınternet-qoǵamdastyqtyń arqasynda adamdar arasynda joǵalǵan baılanystar ornatylyp, alys-jaqyn shetelderdegi shyǵysqazaqstandyqtar óz Otany týraly jańalyqtardy oqyp otyrý múmkindige ıe boldy.
Sonymen qatar, jýyqta atalǵan paraqshalarda týǵan ólke týraly foto-beınekonkýrs jarıalaý josparlanyp otyr. Úzdik jarıalanymdar boıyna jeńimpaz atanǵandar aqshalaı syılyq alady.
Qazaqstandaǵy bul pılottyq joba aımaqtaǵy jáne basqa da jerlerdegi Jeli qoldanýshylarynyń ortasynda tanymaldyqqa ıe bolyp úlgerdi. Áleýmettik jelilerge https://www.facebook.com/groups/ilovevko/ https://www.instagram.com/i_love_vko/ siltemeleri arqyly jazylýǵa bolady.
