Mevlýdın Orıch bir kúnde barlyq jaqyndarynan aıyryldy. 8000 bosnıalyq sekildi olar da keskilesken urysta mert boldy. Orıch máıitterdiń arasynda qımylsyz jatyp, aman qaldy. Sodyrlar ony ólip qaldy dep oılaǵan.
«Eýropa Ekinshi dúnıejúzilik soǵys ýaqytynan beri mundaı sumdyqty kórmedi. Srebrenısadaǵy jaǵdaı adam zat tarıhyndaǵy shegine jetken qatigezdik boldy» dedi Gaaga sotynyń sýdıasy. Odan keıin bosnıalyq serbter armıasynyń burynǵy generaly Ratko Mladıchýdy genosıd pen áskerı qylmys jasady dep aıyptap, ómir boıy bas bostandyǵynan aıyrý sheshimin shyǵardy.
«Búgingi sot sheshimi atalǵan qylmystardy jasap júrgenderge eskertý. Olar qanshalyqty kúshti bolsa da jazadan qashyp qutyla almaıdy. Ol úshin uzaq ýaqyt qajet bolsa da báribir jazalanady» delingen BUU-nyń adam quqyqtary jónindegi komısardyń málimdesinde.
