Keshe Zeınetaqy júıesi týraly aqparat taratý maqsatymen ashylǵan táýelsiz enpi.kz pen 7kun.kz saıty uıymdastyrǵan jýrnalıserge arnalǵan otyrys ótti,- dep habarlaıdy Qamshy.kz aqparat agenttiginiń tilshisi.
Qazaqstandaǵy zeınetaqy júıesi qandaı? Onyń kemshilikteri men artyqshylyqtary, bolashaq zeınetkerlerdi alańdatatyn ózekti máseleler men zeınetaqy tóńiregindegi daýdyń týý sebepterin Freedom Finance Qamqorshylar Keńesiniń jetekshisi, belgili qarjy sarapshysy, jýrnalıs, komýnıkasıa mamany Bota Jumanova túsindirdi.
«Siz bolashaqta qansha kólemde zeınetaqy alatynyńyzdy bilesiz be? Bul máselede úlken gáp bar sebebi, birinshiden, qyzmetkerler óte az aqsha jınaýy múmkin. Ekinshiden, qarjyny durys basqara almaý.
2016 jyldan bastap, zeınetaqy qoryn baqylap júremin. Sizdiń ınvestısıalyq qarjyńyz osynsha somany quraıdy degen aqparatty bilip otyramyn. Al elde bolǵan ınflásıa jóninde eshqandaı jańalyq aıtylǵan joq. Inflásıaǵa deıin meniń shotymda shamamen 8 mıllıonǵa jýyq qarjy bolǵan. Al dollar baǵamy kúrt joǵarylaǵanda meniń zeınetke jınaǵan qarjynyń kólemi eki esege azaıdy.
Zeınetaqy qoryn basqaryp otyrǵan qarjy mamandary halyqtyń jıǵan-tergenine nemquraıly qarap, ony tek teńgede saqtaǵan. Alaıda, ózderin bilikti maman retinde sanaıtyndar, zeınetaqyny teńgede emes, dollar nemese basqa da senimdi valútada saqtaýyna bolar edi», -dep bastady sózin Bota Jumanova.
Ia, árıne, ınflásıa kezinde tek Bota Jumanovanyń ǵana emes, barshamyzdyń jıǵan-tergen zeınetimizge áser etti.
«Osy jaǵdaıdan keıin túıgenim, qazaqstandyqtardyń bolashaǵyna, zeınetaqy qoryna shynynda da jany ashıtyn uıym qurý kerektigi. Sondyqtan, 2016 jyldyń qańtarynda árbirimizdiń qartaıǵanda alańsyz ómir súre alýymyzdy qamtamasyz etetin Freedom Finance Qamqorshylar Keńesin qurý iske asyryldy.
Al 2016 jyldyń maýsymynda zeınetaqy naryǵyn damytatyn jobany tanystyrdyq. Zeınetaqy qorynyń jumysymen tyǵyz qarym-qatynas ornatyp, olarǵa áser etýdiń maqsatynda 2017 jyldyq aqpanynda «Biryńǵaı jınaqtaýshy zeınetaqy qory» AQ -ń keńesine múshe boldyq. Keńeste aıtarlyqtaı nátıjege jete almaǵannan soń, 2017 jyldyń sáýirinde onyń quramynan shyǵýǵa týra keldi.
Keńes quramynda bolǵanda usynys aıtqanymda, «sizdiń qarjylyq bilmińiz joq» nemese «siz osy máseleni kóterýge ǵylymı dárejeńiz bolý kerek» degen syltaýlardan keıin zań magıstri atanýdy maqsat ettim. Magıstrlik dısertasıany «Zeınetaqy qory ınvestısıa obektisi» degen taqyrypta qorǵap shyqtym.
Osydan soń, zeınetaqy taqyrybyn kóterýge dárejem jetkilikti bolǵan ýaqytta enpi.kz (Biryńǵaı jınaqtaý aqparattandyrýshysy) saıtyn quryp, 2018 jyldyń maýsym aıynan bastap saıtty granttar ǵana emes, basqa da qarjylandyrý kózderin paıdalana otyryp, turaqty túrde júrgizýdi kózdeımin».
Bota Jumanovanyń bastamasy zeınetaqy qoryn jınaqtap júrgen úlken-kishige ortaq másele ekendigin umytpaı, enpi.kz saıtyna jarıalanǵan aqparatpen tanys bolyp júrińizder. Sebebi, Bota Jumanova halyqtyń qamyn oılap, atalmysh jobany iske asyryp júrgen qazaqtyń qamqorshy qyzy.
