Búgin Nazarbaev ortalyǵynda QR Tuńǵysh Prezıdenti - Elbasy Qorynyń syılyǵyna Úzdik qazaqtildi ınternet saıt baıqaýynyń jeńimpazdaryn marapattaý rásimi ótti, dep habarlaıdy Qamshy.kz aqparat agenttigi. Baıqaý osy jyly úshinshi ret ótkizilip otyr. Baıqaýdy uıymdastyrýshylar QR Tuńǵysh Prezıdenti – Elbasynyń qory jáne Memlekettik tildi damytý qory.

Marapattaý rásimine QR Tuńǵysh Prezıdenti - Elbasy Qorynyń atqarýshy dırektorynyń orynbasary Sultan AITJANOV, QR Parlamenti Májilisiniń depýtaty Baqytbek SMAǴUL, «QazInform» halyqaralyq agenttigi  bas dırektorynyń keńesshisi Mahat SADYQ, Memlekettik tildi damytý qorynyń dırektory Azat SHAÝEEV, sonymen qatar qoǵamdyq uıymdardyń, memlekettik organdardyń jáne BAQ-nyń ókilderi qatysty.

Baıqaý maqsaty – ınternet júıesindegi úzdik qazaqtildi resýrstardy anyqtaý men nasıhattaý jáne ınternet resýrstardyń sany men sapasyn jaqsartýǵa  úles qosyp júrgen otandyq qazaqtildi saıttardy qoldaý.

Baıqaýǵa ǵalamtor keńistigindegi tájirıbesi keminde bir jyldy quraıtyn,  qazaq tilinde aqparat taratatyn úkimettik emes, táýelsiz qoǵamdyq saıttar qatysty. Qazylar alqasy saıttardy mazmuny, qyzmet baǵyty, ınteraktıvtiligi, qazaq tili men ulttyq qundylyqtardyń dáriptelýi, patrıottyq taqyryptardyń úzdiksiz kóterilýi, kórkemdik jaǵy, ıdeıa ereksheligi, tartymdylyǵy sekildi talaptar boıynsha saralady.

Baıqaýǵa respýblıkanyń ár túrli aımaqtarynan 33 ótinim tústi. «Ótkir til» — atalymy boıynsha www.zheruiyq.kz portaly, «Rýhanı azyq»  – atalymy boıynsha  www.qamshy.kz portaly,  «Tereń izdenis»  — atalymy boıynsha  247media.kz saıty,  «Shynaıy ómir»  – atalymy boıynsha kerekinfo.kz saıty,  «Sport tynysy» — atalymy boıynsha ulttyqsport.kz jáne alzhan.kz saıttary, «Bilim bulaǵy»  — atalymy boıynsha kaz-tili.kz jáne qaztest.kz saıtttary, «Jastar álemi»  — atalymy boıynsha zhasatyrau.kz portaly, «Oıyn- saýyq» — atalymy boıynsha baribar.kz jeńimpaz bolyp tanyldy.