Qaraǵandyda jańa ortalyq paıda bolmaq. Qazirgi tańda onda belsendi túrde qurylys jumystary júrgizilýde. Bul týraly Qaraǵandy oblysynyń ákimi Erlan Qoshanov Ortalyq komýnıkasıalar qyzmetinde ótken baspasóz máslıhatynda aıtty, dep habarlaıdy Qamshy.kz aqparat agenttigi. 

Baspasóz máslıhatynda oblys ákimi memlekettik baǵdarlamalar men áleýmettik –ekonomıkalyq damý qortyndysynyń 10 aıdaǵy kórsetkishimen bólisti.

Erlan Qoshanovtyń aıtýynsha, jańa ortalyqta 24 qabatty turǵyn úı kesheni, Oblystyq sottyń jańa ǵımaraty, Kúres ortalyǵy, 50 metrlik baseıni bar Balalar jáne jasóspirimder saraıy, konserttik zal sekildi tyń jáne aýqymdy ǵımarattar salynyp jatyr.

Budan syrt memkettik baǵdarlamalardyń da oıdaǵydaı júzege asyp jatqanyn aıta kelip: ««Nurly jer» baǵdarlamasy boıynsha oblysta jyl sońyna deıin 340 myń sharshy metr turǵyn úı qoldanysqa beriledi, al 800 jeke úılerdiń qurylysy úshin ınfraqurylym jasalyp jatyr», - dedi.