«QazAqparat» HAA Memleket basshysynyń «Bolashaqqa baǵdar: rýhanı jańǵyrý» baǵdarlamasy aıasynda úzdik dızaınerlik bezendirýge konkýrs jarıalaıdy.
Konkýrstyń maqsaty - «Rýhanı jańǵyrý» baǵdarlamasyn halyq arasynda keńinen nasıhattap, mádenı-rýhanı qundylyqtarǵa betburys jasaý, sondaı-aq Elbasy bastamasynyń tanymaldylyǵyn arttyrý. Sonymen qatar, atalǵan shara arqyly shyǵarmashylyq ortany qoldaı otyryp, zamanaýı mádenıetti «Rýhanı jańǵyrý» qundylyqtarymen jaqyndastyra túsý kózdeledi.
Respýblıkalyq konkýrs nátıjesinde úzdik dep tanylǵan týyndy (grafıkalyq ılústrasıalar) «Rýhanı jańǵyrý» taqyrybyndaǵy túrli dekorasıalarǵa, baspa ónimderine, kıimderge jáne taǵy basqalarǵa qoldanylatyn bolady. Sondyqtan da, dızaınerlik ıdeıalar negizinen «Rýhanı jańǵyrý» baǵdarlamalyq maqalasyndaǵy qundylyqtarǵa, atap aıtqanda, «Básekelik qabilet», «Pragmatızm», «Ulttyq biregeılikti saqtaý», «Bilimniń saltanat qurýy», «Qazaqstannyń revolúsıalyq emes, evolúsıalyq damýy», «Sananyń ashyqtyǵy» sekildi alty baǵytqa saı bolýy shart.
Árbir qatysýshy nemese ujym atalǵan 6 baǵyttyń árqaısysyna tek 1 ǵana jumysyn usyna alady.
Atap óteıik, konkýrs materıaldary qarasha aıynyń 1-inen jeltoqsan aıynyń 15-ine deıingi aralyqta qabyldanady. Konkýrsqa qatysýshylar úshin jas boıynsha eshqandaı shekteý qoıylmaıdy. Konkýrsqa qatysý úshin Erejemen tanysýy jáne qatysý týraly ótinish formasyn toltyrýy tıis.
Qatysýshylardyń jumysyn arnaıy qurylatyn ádilqazylar anyqtaıdy, sonymen birge «QazAqparat» HAA saıtynda onlaın-daýys berý júrgiziledi. Ár nomınasıa boıynsha jeńimpazdar arnaıy dıplomdarmen jáne aqshalaı syıaqymen marapattalady. Gran-prı ıesi 2 mıllıon teńgege aqshalaı syıaqyǵa ıe bolady.
Sonymen qosa, úzdik tanylǵan týyndylar boıynsha: 1-oryn - 1 500 000 teńge, 2 oryn - 1 000 000 teńge, 3 oryn - 500 000 teńge syıaqy belgilenip otyr. Budan bólek, konkýrsqa qatysýshylar arasynda yntalandyrý syılyǵy retinde jalpy qory 1 000 000 teńgeni quraıtyn arnaıy júldeler de bar. Bul boıynsha: 1- arnaıy júlde - 400 000 teńge; 2-arnaıy júlde - 400 000 teńge; 3-arnaıy júlde - 200 000 teńge syıaqy alatyn bolady.
Konkýrs jeńimpazdarynyń týyndylary «QazAqparat» HAA saıtynda ornalasatyn bolady.
Konkýrstyń tolyq Erejesimen myna silteme arqyly tanysýǵa bolady.
