Ulttyq bank kúni keshe tanystyrǵan jańa banknottaǵy sýretterdi jurt urlanǵan dep shýlasýda. Danıar Aqyshevtiń qaǵaz aqshadan kógershin dep kórsetkeni shveısarıalyq fotograftyń shaǵalasy bolyp shyqqan. Jurt bul nysannyń Qazaqstan úshin tarıhı quny joq dep otyr. Al, aqshany marqaıa tanystyrǵan Bas banktegiler aıtylǵan syndy «absýrdqa» balady dep habarlaıdy Qamshy.kz aqparat agenttigi KTK arnasyna silteme jasaı otyryp.

- «Bul «absýrd» týraly eshteńe deı almaımyn. Oǵan qatysty erteń túsinikteme beremiz. Shaǵalany sol kezde talqylarsyzdar. Meniń oıymsha, aqshadaǵy qustar súıkimdi shyqqan. 

Bas bank «artyq qylamyn dep tyrtyq qylsa» da, jańa aqshany bar kúıinge qabyldaýdan basqa amal joq syńaıly. Óıtkeni, bul banknot qoldanysqa endi shyqqanymen, ony basyp shyǵarý jumystary 2 jyl buryn bastalǵan. Iaǵnı, banknot shyǵarý bir-eki kúndik sharýa emes», - deıdi Ulttyq banktiń basqarma basshysy Aleksandr Terentev.

- Kóshirme ekeni anyq kórinip tur. Shveısarıalyq fotograftyń sýretin paıdalaný arqyly, avtorlyq quqyqty buzyp otyr. Tek bireý emes, 500 teńgedegi taǵy 3 qus ta ózgeden urlanǵan. Ony ǵalamtordan alyp qoıa salǵany sapasynan-aq baıqalady,- deıdi Astana qalasynyń turǵyny Kırıll Kovázın.

Osy kezge deıin qoldanylyp kelgen eski aqshalar 2020 jyldyń maýsymyna deıin aınalymda bolady. Odan keıin tek shveısarıalyq fotograftyń shaǵalasy bar 500 teńgelik qana ústemdik qurmaq.