Bishkekte ótip jatqan ulyqtaý saltanatynda sóılegen Qyrǵyzstan prezıdenti Sooronbaı Jeenbekov qyzmetinen ketip jatqan prezıdent Almazbek Atambaevqa alǵys bildirip, alǵashqy jarlyǵymen oǵan «Qyrǵyz Respýblıkasynyń Batyry» ataǵyn beretinin jáne «Ak-SHýmkar» ordenimen marapattaıtynyn málimdedi dep habarlaıdy Qamshy.kz aqparat agenttigi Azattyqqa silteme jasaı otyryp.

Jeenbekov buǵan qosa saılaýshylar men partıalastaryna ózine senim bildirgeni úshin alǵys bildirdi. «Eldiń taǵdyry - bul árbirimizdiń taǵdyrymyz. Men úshin ómirdiń - máni sizderdiń senimderińizdi aqtaý jáne memlekettilikti nyǵaıtý» dedi Qyrǵyzstan prezıdenti.

Ol sonymen qatar Atambaev bastaǵan damý jolyn, memlekettik basqarýdyń parlamenttik formasyn jaqtaıtynyn málimdedi.

Sooronbaı Jeenbekovti ulyqtaý saltanaty Bishkektegi «Ala-Archa» memlekettik rezıdensıasynda ótip jatyr.