QR Mádenıet jáne sport mınıstri Arystanbek Muhamedıuly jetekshi Gollıvýd kınokompanıalarynyń prodúserlerimen ortaq jobalar boıynsha yntymaqtastyq máselelerin talqylady dep habarlaıdy Qamshy.kz aqparat agenttigi.
Qazaqstandyq mádenıet vedomstvosy basshysymen kezdesýge álemdik kınoóndirýshilerdiń tanymal prodúserleri – M. Hú (The Walt Disney Company), L. Ýlman (NBC Universal), G. Lı (CBS), V. Mendoza (Paramount Pictures Corporation), M. Valbreht (Warner Bros.), D. Roı (HBO) jınaldy. Qazaqstan tarapynan sondaı-aq, Qazaqstannyń AQSH-taǵy elshisi Erjan Qazyhanov jáne Kınematografıalyq óner men ǵylym akademıasynyń prezıdenti Aıman Musaqojaeva qatysty. Bul Qazaqstannyń mádenıet salasyndaǵy ýákiletti organ basshylyǵynyń álemniń ozyq kınokompanıalarymen alǵashqy kezdesýi.
Qazaqstandyq synshylardyń pikirinshe, tanymal Gollıvýd kompanıasy basshylyǵymen kezdesýdiń ózi sáttilik. Álemniń iri kınokompanıalarymen yntymaqtastyq qazaqstandyq kınoóndiriske álemdik deńgeıge shyǵyp, elimizge ınvestısıalar men sheteldik týrıserdiń jańa aǵynyn qamtamasyz etpek.
«Búgingi tańda kıno tek óner túri ǵana emes, sonymen qatar, ekonomıka salasynyń anyqtaýyshy. Máselen, «Avatar» fılmi jaryqqa shyqqanda, túsirilimder júrgen Jańa Zelandıaǵa álemniń túkpir-túkpirinen týrıser kele bastady. Keıbir memleketter kınoqyzmet kórsetýdi tabys kózine aınaldyrǵan. Olar: Vengrıa, Bolgarıa, Kanada syndy memleketter, - dedi mınıstr Arystanbek Muhamedıuly.
Mınıstr Kanadada túsirilip, basty rólde Leonardo Dı Kaprıo oınaǵan «Tiri qalǵan» fılmin mysalǵa keltirdi. Muhamedıulynyń pikirinshe, álemdik deńgeıdegi kınokompanıalardyń ókilderin qazaqstandyq taraptyń usynystary qyzyqtyryp otyr. Osy oraıda naqty qadamdarǵa da qol jetkizildi.
Basty faktorlardyń biri - Qazaqstandaǵy kınoındýstrıa damýynyń barlyq qyr-syrlaryn qamtıtyn «Kıno týraly zańnyń» qabyldanýy bolmaq.
«Mańyzdy aspektilerdiń biri - Qazaqstannyń saıası turaqtylyǵy men elimizdegi ultaralyq kelisim bolyp tabylady. Bul kompanıalar óz ıntellektýaldyq jáne qarjylyq múmkidikterin tek saıası turaqty elderge salatyndary belgili. Bul oraıda Qazaqstan olar úshin óte qolaıly», - dedi mádenıet jáne sport mınıstri.
Sondaı-aq, Arystanbek Muhamedıuly EKSPO-2017 halyqaralyq kórmesine álemge tanymal ujymdardy, atap aıtqanda «La Skala» teatryn shaqyryp, Plasıdo Domıngonyń dúnıe júzindegi eń bedeldi «Operalıa» halyqaralyq jas vokalıster baıqaýyn ótkizgendigimizdi atap ótti. Qazaqstanǵa esimderi álemge máshhúr ártister men mýzykanttardyń kelgendigi elimizdiń álemdegi abyroıynyń óskendigin taǵy bir dáleldeı túsedi.
«Bizdiń maqsatymyz - Qazaqstan kınoındýstrıasynyń álemdik keńistiktegi orny joǵary bolýyn qamtamasyz etý. Bul Elbasy bizdiń aldymyzǵa qoıǵan atqarylýǵa tıisti mańyzdy tapsyrma.
Biz amerıkalyq kórermenderge «Anaǵa aparar jol» fılmin usyndyq. Ony bul jerde úlken qyzyǵýshylyqpen qabyldady. Qazaqstan kınoóneri halyqaralyq kınofestıvalderde laıyqty tanystyrylyp, joǵarǵy marapatqa ıe bolǵandyǵyn qalaımyz» - dep qorytyndylady mınıstr Muhamedıuly.
Esterińizge sala keteıik, Qazaqstan Respýblıkasy Mádenıet jáne sport Mınıstrligi álemniń jetekshi kınokompanıalarymen kınoóndiris salasynda yntymaqtastyq týraly kelissózder ótkizgen bolatyn. Los-Anjeleske issapar jáne «Rýhanı jańǵyrý» baǵdarlamasyn tanystyrý aıasynda Mınıstrlik Qazaqstan Respýblıkasynyń AQSH-taǵy Elshiligimen birlese «Spirit of Great Steppe» sharasyn ótkizdi. Birneshe qazaqstandyq fılmderdiń kórsetilimi, sondaı-aq QR Halyq ártisi Aıman Musaqojaeva, Dımash Qudaıbergen jáne taǵy basqa óner juldyzdarymen konsert berildi.
