Qyrǵyzstan prezıdenttigine úmitker bolǵan Ómirbek Babanov Qyrǵyzstannyń jańa prezıdenti Sooronbaı Jeenbekovke ashyq hat jazdy, — dep habarlaıdy Qamshy.kz aqparat agenttigi. Bul týraly Ómirbek Babanov óziniń feısbýk paraqshasyna jazǵan.

«Bizdiń Qyrǵyzstanda búgin jańa prezıdent óz jumysyn bastady. Bılik beıbit túrde tapsyryldy. Elimizde turaqtylyq saqtaldy. Al bılikti aýysýy – úlken jetistik bolyp tabylady. Sondyqtan da men Qyrǵyzstan halqyn quttyqtaımyn! Sonymen birge óz atymnan bizdiń halqymyzdyń senimi men úmiti jaıly da aıtqym keledi. Sooronbaı Sháripuly, búgin sizge úlken tapsyrma berildi:  Almazbek Shárshenuly Atambaev negizin qalaǵan eldegi beıbitshilik pen turaqtylyqty jalǵastyrý, halqymyzdy gúldendirip, Qyrǵyzstandaǵy demokratıalyq jáne quqyqtyq memlekettiń negizin damytý. Men Qyrǵyzstan halqy adal, ádiletti jáne azamattarǵa tańdaý erkindigin beretin basshyny qoldaıtynyna senemin. Al bizdiń Qyrǵyzstan óziniń zańyn ulyqtaı alatynyn kórsete otyryp, ózimizde jáne álemde úlgi tutarlyq memleketke aınalatyn bolady», — dep jazǵan Ómirbek Babanov. 

Aıta ketetin bolsaq, 24 qarashada Sooronbaı Jeenbekov resmı túrde Qyrǵyzstan prezıdenti qyzmetine kiristi.