Qazaqstan Prezıdenti Bır ál-Abd qalasynyń meshitindegi terrorlyq akt saldarynan kóptegen adamnyń qaza bolyp, zardap shekkeni týraly habardy zor kúızelispen qabyldady dep jazady Qamshy.kz aqparat agenttigi Aqordanyń baspasóz qyzmetine silteme jasap.

«Qazaqstan halqy jáne jeke ózimniń atymnan Sizge, sondaı-aq qaza bolǵandardyń otbasylary men jaqyndaryna kóńil aıtyp, orny tolmas qaıǵyǵa ortaqtastyǵymdy bildiremin. Qaıǵyly oqıǵa kezinde zardap shekkenderdiń tezirek saýyǵyp ketýine tilektespin.

Biz beıbitshilik pen qaýipsizdikke qarsy baǵyttalǵan ekstremızm men halyqaralyq terorızmniń kez kelgen túrin qatań aıyptaımyz.

Elderimizdiń beıbit ómiri men qaýipsizdigin qamtamasyz etý úshin qazirgi zamanǵy qaýip-qaterlerge qarsy kúreste Qazaqstan Mysyrmen yntymaqtastyqty jalǵastyrýǵa árqashan daıyn», – delingen jedelhatta.