Nursultan Nazarbaev partıanyń basqa basshylaryna qaraǵanda adamdarmen qıyn máseleler boıynsha áńgimelesýden jasqanbaıtyn, — dep jazady Qamshy.kz aqparat agenttigi.
1989 jyldyń jazynda Nazarbaev Qazaqstan Komýnıstik partıasy OK Birinshi tóraǵasy bolyp taǵaıyndaldy. Ol kezde kópultty respýblıkanyń eń kúrdeli máseleleriniń biri til máselesi edi. Qazaq ultynyń shamamen 15 paıyzy ana tilin meńgermegen bolatyn. Basqa ult ókilderi de bul máseleden jasqanatyn. Orys tildi halyq qazaq tilin májbúrlep oqyta ma dep qoryqty.
Ol kezde turǵyndarynyń 70 paıyzyn ózge ult ókilderi quraǵan Óskemen qalasy alańdaýshylyqtyń naǵyz ortalyǵyna aınaldy.
Adamdarmen betpe-bet júzdesip, jaǵdaıdy jaılandyrý úshin Nursultan Ábishuly Óskemen qalasyna keledi. Jınalǵan halyqpen saǵatqa taıaý suhbattasqan Nazarbaev alańdaýshylardy sózine sendirip, til máselesi aıasynda ultaralyq janjalǵa eshqashan jol bermeıtinin málimdedi.
Al qyrkúıek aıynda Tilder týraly zań qabyldanyp, qazaq tili - memlekettik, orys tili - ultaralyq qatynas tili bolyp bekitildi.
