Ekonomıser daǵdarysty eńserýdiń eki jolyn biledi. Onyń biri – shyǵyndy azaıtý, qatty únemdeý jáne óndiristiń tabystylyǵyn qalpyna keltirý. İs júzinde bul ádis jalaqy men jumys oryndarynyń kúrt tómendeýinen turady. Kásipkerler óz qyzmetkerleri arqyly únemdeýdi qalaıdy.

Biraq bul óte qaýipti ádis. Sebebi jumysyn joǵaltqan adamdar taýar satyp ala almaıdy. Osynyń saldarynan ekonomıka damýyn toqtatyp, quldyraýǵa ushyraıdy.

Bul rette, taǵy bir tásil bar: memlekettiń kómegi arqyly jumys oryndaryn saqtaý. Nátıjesinde, halyqtyń satyp alý qabilettiligi joǵalmaı, ekonomıkanyń damýyna esh zıan kelmeıdi.

Shyǵys Qazaqstan oblysy úshin 2007 jyly bastalǵan jahandyq ekonomıkalyq daǵdarys eleýli problemaǵa aınalýy múmkin edi. Shyǵystyń ónerkásiptik alyptary negizinen óz ónimderin eksporttaýmen aınalysady. Ónimderdiń ótimdiligi máselesi jumysshylardyń jappaı qysqartylýyna ákelip soǵý qaýpi týdy.

2007 jyly Qazaqstan Prezıdenti «Jumyspen qamtýdyń jol kartasyn» ázirleýdi tapsyrdy. Osynyń arqasynda jumys oryndarynan aırylǵan adamdar turaqty tabys tabý múmkindigine ıe boldy.  

Respýblıkalyq, oblystyq jáne qalalyq búdjetterden oblys ortalyǵynda jumys oryndaryn uıymdastyrý úshin bes mıllıardtan astam teńge bólindi. Óskemen mundaı aqshany qurylǵaly beri kórgen joq. Bul aqsha qalany abattandyrýǵa jumsaldy: joldar men aýlalardy jóndeý, kógaldandyrý, sýmen jabdyqtaý jáne káriz júıesin retke keltirý. Sonymen qatar, turǵyn úı-kommýnaldyq sharýashylyq, áleýmettik qorǵaý, mádenıet jáne sport salalaryna úlken qarjy jumsaldy.

Óskemen turǵyndary daǵdarys kezinde qalanyń qalaı gúldengendigin esh umytpaıdy. Gúlder egilip, gúlzarlar qoıylǵan shaharǵa jasyl jelekter otyrǵyzyldy.

Bıylǵy jyly «Jol kartasy» respýblıkalyq baǵdarlamasy aıaqtaldy. Alaıda, aımaqta ony óz esepten jalǵastyrý sheshimi qabyldanyp, oblystyq búdjetten 3,7 mlrd teńge bólindi.

Qazaqstan tańdaǵan daǵdarysty eńserý joly ózin aqtap shyqty: bul halyqty kedeılikten jáne áleýmettik tóńkeristerden qutqardy.