Bir qaraǵanda memlekettiń ary qaraıǵy damýy úshin asa qajetti emes jáne qaltańyzǵa da ońaı túspeıtin sala bar. Alaıda onsyz ulttyń qadiri men bedeliniń kóterilýin elestetý múmkin emes. Tipti, kerek deseńiz ulttyń saýlyǵy da osy ortaǵa baılanysty, dep jazady Qamshy.kz aqparat agenttigi. Áńgime aýany ne týraly ekenin baıqaǵan bolarsyz? Árıne, sport jaıly!

Olga Rypakova 1984 jyly Óskemen qalasynda dúnıege kelgen. Kishkentaı  kezinen Olga sportpen shuǵyldanatyn balalarǵa arnalǵan mektepke baryp, jeńil atletıkamen turaqty túrde  aınalysady bastaıdy. Ol sporttaǵy birinshi jeńisin 2007 jyly ulttyq jeńilatletter qurama komandasynyń sapynda júrgende alady.  Degenmen, árbir sportshy Olımpıada shyńynan kórinýge umtylatyny aıdan anyq.

Olga Rypakova 2012 jylǵy Londondaǵy XXX jazǵy Olımpıada oıyndarynda jeńistiń bıik tuǵyrynan kórinip, dúıim jurtty qýantty. Ol olımpıada da úsh qarǵyp sekirýden «altyn» júlde ıegeri atandy. Bul el qorjynyn tolyqtyrǵan altynshy «altyn»  boldy.

Elbasy jeńil atletimizdi «Barys» ordenimen marapattaı otyryp, jeńisimen shyn júrekten quttyqtady.

Sporttyq ómir qysqa. Bir sportshynyń birneshe olımpıada oıyndarynan boı kórsetýi sırek kezdesedi. Olga Rypakova 2016 jyly Rıo-de-Janeıroda ótken Olımpıada oıyndaryna qatysyp, qola júldeger atandy.

Nursultan Nazarbaev Qazaqstandyq olımpıadashylarǵa qurmet kórsete otyryp bylaı dedi: Olganyń «qola» júldesi biz úshin «altynmen» para par. Nelikten? Sebebi,  ol London men Rıoda ótken eki olımpıadanyń arasynda altyn asyqtaı ulyn jaryq dúnıege ákelip úlgerdi. Ol barlyǵy eki balany ómirge ákelgenine qaramastan, darynyn joǵaltpaı, sporttaǵy qasıetterin de saqtap qaldy. Jaraısyń! Eń aldymen - ana! Ekinshiden, batyr! Iaǵnı, batyr-ana!

Úzdik atanǵan sport sańlaqtary ult maqtanyshyna aınalatyny sózsiz. Olardyń jetistikteri jastardy eńbektenýge, jeńilisten keıin qaıta turýǵa úıretetini haq. Sonymen birge, kúndelikti ómirdi salaýatty ómir saltyn ustanýǵa da baýlıdy.