Astanada 2017 jylǵy 10 qarashada 2017 oqý jylynyń qorytyndysy boıynsha Qorǵanys mınıstrligi áskerı alqa májilisiniń keńeıtilgen otyrysy ótti.
Alqa májilisiniń jumysyna Prezıdenttiń kómekshisi – Qazaqstan Respýblıkasy Qaýipsizdik Keńesiniń Hatshysy Vladımır Jýmakanov, QR Bas áskerı prokýrory Erǵalı Merzadınov, Qorǵanys mınıstrliginiń basshylyǵy, departamentter men basqarmalardyń basshylary, túrler bas qolbasshylary, óńirlik qolbasshylyq áskerleri men ásker tekteriniń qolbasshylary, brıgada, polk, avıasıalyq jáne avıasıalyq-tehnıkalyq bazalardyń, saqtaý bazalarynyń, oqý-jattyǵý ortalyqtarynyń, arsenaldardyń komandırleri, áskerı joǵary oqý oryndarynyń, qorǵanys isteri jónindegi departamentteriniń, áskerı polısıa organdarynyń bastyqtary, serjanttar quramy jáne áskerı qyzmetshilerdiń otbasy múshelerimen jumys qyzmetiniń basshylary qatysty.
Kún tártibinde áskerlerdiń jaýyngerlik ázirligi men jaýyngerlik qabilettiliginiń, materıaldyq-tehnıkalyq qamtamasyz etilýiniń jaı-kúıi, aldaǵy jylǵa Qarýly Kúshterdiń ınfraqurylymynyń damýy máseleleri talqylandy. Odan basqa, QR QK-degi sybaılas jemqorlyqqa qarsy qyzmettiń, áskerı tártip pen quqyqtyq tártiptiń, áskerı qyzmetshilerdiń otbasy múshelerimen, Qarýly Kúshterdiń ardagerlerimen jumys jáne áskerı-patrıottyq jumystyń uıymdastyrylýynyń qorytyndysy shyǵaryldy.
Alqa otyrysy barysynda QR Qorǵanys mınıstri 2018 jyly áskerlerdi daıarlaýdaǵy negizgi kúsh-jigerdi memlekettiń áskerı qaýipsizdigin qamtamasyz etetin deńgeıde basqarý organdary men áskerlerdiń jaýyngerlik jáne jumyldyrý ázirligin ustap turýǵa shoǵyrlandyrýdy aıqyndady. 2017-2020 jyldarǵa arnalǵan Qazaqstan Respýblıkasynyń Ulttyq qaýipsizdik strategıasy jáne Qazaqstan Respýblıkasynyń Áskerı doktrınasymen belgilengen tapsyrmalar sheńberinde áskerlerdiń (kúshterdiń) jaýyngerlik qabilettiligin arttyrý jóninde keshendi sharalar qabyldaý.
2017 oqý jylynyń jumys qorytyndysy boıynsha QR Qarýly Kúshteriniń úzdik bólimsheleri anyqtaldy. Olar: QR QK Áskerı-teńiz kúshteri, «Batys» óńirlik qolbasshylyǵy, 61993, 10216 áskerı bólimderi, Almaty qalasynyń qorǵanys isteri jónindegi departamenti, 35748 áskerı bólimi áskerı qyzmetshileriniń otbasy múshelerimen jumys qyzmeti.
QR Qarýly Kúshteriniń áskerı qyzmetshileri 2018 oqý jylyn «Uly dala áskeri – Máńgilik el tiregi!» atty uranmen ótkizetinin aıta ketý qajet.
