Qazaqstan Respýblıkasynyń Ulttyq Banki 2017 jylǵy 29 qarashada nomınaly 500 teńgelik «proof» sapasymen «Dala qazynasy» monetalar serıasynan «Dombyra» eskertkish kúmis monetasyn aınalysqa shyǵarady, depjazady Qamshy.kz aqparat agenttigi Ulttyq banktiń baspasóz qyzmetine silteme jasap.
Qazaqtyń dombyrasy qazaq dalasynyń ádemiligin jáne baılyǵyn, kóshpendilerdiń tamasha álemin sıpattaıtyn eń tanymal aspaptardyń biri.
Qazaq dombyrasy – qos ishekti shertpeli mýzykalyq aspaby. Súıemeldeý jáne jeke aspap
retinde, sondaı-aq qazaq halyq mýzykasynda negizgi aspap retinde qoldanylady. Dombyra úni jumsaq ári báseń.
Monetanyń bet jaǵynda (aversinde) ortalyq bóliginde oıý-órnek aıasynda ulttyq mýzykalyq
aspap – dombyra beınelengen. Oń jaǵynda monetanyń nomınalyn bildiretin «500 teńge» degen jazba jáne moneta daıyndalǵan metaldy, onyń synamy men massasyn bildiretin «Ag 925 31,1g» degen jazba ornalasqan. Aınaldyra memlekettik tilde «QAZAQSTAN RESPÝBLIKASY» jáne orys tilinde «RESPÝBLIKA KAZAHSTAN» degen jazba bar.
Monetanyń reversinde taýdyń, qazaq aýylynyń, júırik tulparlar aıasyndaǵy dalanyń, dombyraǵa arnalǵan mýzykalyq týyndynyń úzindisi bar nota tuǵyrynyń stıldendirilgen beıneleri bar dombyrada oınaý sáti beınelengen. Monetanyń joǵary bóliginde memlekettik tildegi «DOMBYRA» degen jazba jáne soǵylǵan jylyn bildiretin «2017» degen san ornalasqan.
Tómengi bóliginde – Qazaqstan teńge saraıynyń taýar belgisi. Monetaǵa gaýhartas ornatylǵan, boıaý boıynsha sheshim altyndatý arqyly oryndalǵan. Monetanyń bet jáne syrt jaǵyndaǵy beıneler bederli, aınaldyra shyǵyńqy jıek júrgizilgen.
Qyry (gýrty) bederli. Monetalar 925 synamdy kúmisten jasalǵan, massasy – 31,1 gram, dıametri 1 mıllımetr bolatyn bir gaýhartas ornatylǵan, dıametri – 38,61 mm, daıyndaý sapasy – «proof», eń kóp taralymy – 3 myń dana.
Monetaǵa gaýhartas ornatylǵan, monetalardy altyndatý tehnologıasy qoldanylǵan.
Eskertkish monetalardy «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵyndaǵy respýblıkalyq memlekettik kásiporny daıyndaǵan. Monetalardyń dızaıny Qazaqstan Respýblıkasy Prezıdentiniń 2003 jylǵy 25 qyrkúıektegi №1193 Jarlyǵymen bekitilgen Qazaqstan teńgesi – ulttyq valúta banknottary men monetalary dızaınynyń tujyrymdamasyna sáıkes ázirlengen.
«Proof» sapasymen jasalǵan eskertkish monetalar koleksıalyq quny boıynsha satýǵa arnalǵan. Olar kádesyılyq oraýmen shyǵarylady jáne Qazaqstan Respýblıkasy Ulttyq Bankiniń memlekettik, orys jáne aǵylshyn tilderindegi nómirlik sapa sertıfıkatymen jabdyqtalǵan. Nomınaly 500 teńgelik eskertkish monetalar Qazaqstan Respýblıkasynyń búkil aýmaǵynda kórsetilgen qunymen tólemniń barlyq túrleri boıynsha, sondaı-aq bank shottaryna esepteý úshin jáne aýdarym jasaý úshin qabyldanýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.
