Jaýyngerlik oqý-jattyǵýdyń jospary boıynsha Radıoelektronıka jáne baılanys áskerı-ınjenerlik ınstıtýtynyń 5 kýrs kýrsanttary atys synaq alańynda mergendikterin shyńdady, dep habarlaıdy Qamshy.kz.
Bes mınýtsyz bolashaq leıtenanttar úshin búgingi AK 74 qarýynan atyp nysanaǵa dóp tıgizýi, aldyńǵy atý jattyǵýylarǵa qaraǵanda mańyzdyraq. Sebebi dıplom alyp, leıtenant atanatyn kúnde jaqyndap keledi. Búgingi jattyǵý barysynda baıqaǵanym, kýrsanttar dáris jetekshileriniń árbir aıtqan sózin, ár qımylyn muqıat baqylaýmen boldy. Instıtýttyń bas serjanty shtab serjant Arynhanov Arman kýrsanttardy atys ónerine úıretýde maıtalman sheber ekendigi eteneden belgili. Túsindirý jumystary barysynda sharshamaı jattyǵý sońyna deıin ádistemelik nusqaýlar berýmen boldy. Nátıjesinde podpolkovnık Oljas Bakýbaev basqaratyn kýrsanttar batalónynyń qyrandary nysanany darytýda joǵary kórsetkishterge qol jetkizdi.
Úzdik mergen kýrsanttar; J.Nurqasymov, N.Shynybekov, A.Isahan, I.Ahmetov, A.Arzatov, E.Kýrmaev, B.Baqtyǵalıev, N.Abdýllaev, E.Mendýgalıev, E.Esengalıev, D.Kalıev, N.Muratbekov jáne taǵy basqalary nysana atýdan bes degen baǵa aldy. Elbasymyz, Qazaqstan Respýblıkasynyń Qarýly Kúshteriniń Bas Qolbasshysy Nursultan Ábishuly Nazarbaev, «Ofıser - bul Áskerdiń abyroıy! Ofıser - memlekettik qyzmetker ǵana emes, ol kóptegen adamdardyń ómiri senimmen tapsyrylatyn memleket adamy», degen bolatyn. Quralaıdy kózge atqan, bolashaq ofıserlerdiń úzdik baǵa alýǵa degen umytylysyn kórip, egemendi elimizidiń qorǵanysyn nyǵaıtýdaǵy daıyndap jatqan azamattarymyzdyń baǵytynyń durys ekendigine kámil senemdimin.
Krıstına Novıkova
