Almatyda 2018 jyldan bastap taǵy da qorǵanys isteri jónindegi basqarma óz jumysyn bastaıdy, dep jazady Qamshy.kz.

Budan ári - Naýryzbaı aýdanynyń qorǵanys isteri jónindegi basqarmasy (burynǵy sózben aıtqanda Naýryzbaı aýdanynyń áskerı komısarıaty) komersıalyq uıym emes bolyp tabylady, zańdy tulǵalar mártebesine ıe, jumyldyrý qyzmetin júzege asyrý úshin uıym-quqyqtyq nysandaǵy mekemeden quralǵan.

Mekeme qyzmettiń maqsaty - jergilikti atqarýshy organdarmen birlesip, azamattardy áskerge shaqyrý ýchaskelerine tirkeýdi, azamattardy Qazaqstan Respýblıkasy Qarýly Kúshteriniń, basqa da áskerleri men áskerı quralymdaryn shaqyrý jáne jumyldyrý resýrstarymen jasaqtaý. Aýmaq alańyna, Almaty qalasynyń halyq sanyna jáne jumyldyrý resýrstarynyń aýqymyna súıene otyryp Naýryzbaı aýdanynyń qorǵanys isteri jónindegi basqarmasy qurylǵan. Úsh jyl buryn Naýryzbaı aýdanyn qurý týraly sheshim qabyldandy. Osy ýaqyt aralyǵynda tıisti ınfraqurylymdy qurý úshin kóptegen jumystar jasalýda. Naýryzbaı aýdanynyń jańa ákimshilik -iskerlik ortalyǵynda mynadaı mekemeler ornalasqan: jergilikti ákimdik, sot, prokýratýra, HQKO, AHAT, Qazpochta, zeınetaqy tóleý ortalyǵy, memlekettik kiris basqarmasy men basqa da memlekettik uıymdar. Almaty qalasy aýdandarynyń kólemi boıynsha jergilikti áskerı basqarý organdary tek qana Qazaqstanda emes, búkilálemge tanymal organ bolyp tabylady. Armıa halyqpen tyǵyz baılanys jumys jasaǵanda ǵana damıdy. Jergilikti áskerı basqarý organdaryn qurý kózderi áskerı jumyldyrý qyzmeti bolyp sanalady. Sonymen qatar memlekettik turǵydan úlken strategıalyq qurylym bolyp tabylady, - dedi óz sózinde Almaty qalasynyń qorǵanys isteri jónindegi departamentiniń bastyǵy polkovnık Óserbaev Amantaı myrza. Sonymen birge, qazirgi ýaqytta Almaty qalasy Naýryzbaı aýdanynyń qorǵanys isteri jónindegi basqarmasynyń áskerı mindettileri Áýezov aýdanynyń qorǵanys isteri jónindegi basqarmasynyń esebinde ýaqytshm turǵanyn aıta ketken jón.

Qarlyǵash Musabekqyzy, Almaty qalasynyń qorǵanys isteri jónindegi departamenti