Qytaıdaǵy jeke kásipkerliktiń róli jáne kólemi qandaı ekendigi kópshilikke aıan. Kúnshyǵys eliniń ekonomıkasy kún sanap ósip keledi jáne tek 2017 jyldyń birinshi jartysynda ǵana tirkelgen jańa bıznestiń kólemi 13,2%-ǵa ósken, dep jazady Qamshy.kz aqparat agentigi.
Sonyń ishinde, aıtyla bermeıtin kásipker áıelderdiń toby bar. Sońǵy bir-eki jyl qytaılyq kásipker áıelder úshin óte sátti bolǵany sózsiz. Qytaı ózin-ózi jasaǵan kásipker áıelderdiń astanasyna aınaldy dese de bolady. Óıtkeni Forbes jasaǵan úzdiń kásipker áıelderdiń tizimine 9 qytaılyq qyz-kelinshek endi. Bul nátıje boıynsha, 2017 jyly Qytaı AQSH-ty da basyp ozdy, óıtkeni AQSH-tan tek 5 kásipker áıel ǵana tirkelgen.
Qytaılyq áıelder ondaǵy erkekterden de myqtyraq bolyp tur. Óıtkeni Qytaıdaǵy mıllıarderlerdiń 6%-yn ózin-ózi jasaǵan áıelder quraıdy.
Qytaıdaǵy mıllıarder áıelderdi búkil álemdegi áriptesterinen ereksheleıtin eki negizgi sıpat bar. Birinshiden, olar biryńǵaı ındýstrıaǵa nazar aýdarady, ekinshiden, olar otandas erlermen salystyrǵanda saıası turǵydan belsendi emes.
Birneshe jyl buryn qytaılyq áıelderge jyljymaıtyn múlikpen aınalysý baıýdyń eń jyldam joly boldy. Tipti 2017 jyly Qytaıdaǵy baılyq baspaldaǵynyń alǵashqy úsh oryny jyljymaıtyn múlikke salynǵan kapıtalmen, atap aıtqanda, Ian Hýııang, Vý Iadjýn jáne Chen Laıva qolynda boldy. Degenmen, Qytaıdaǵy áıelderdiń mıllıarderleriniń kópshiligi tizimge 2010 jylǵa deıin kirdi. Vý Lanlan, Chen Lıań jáne Tań Djıanfang sıaqty kóptegen jańa qytaılyq mıllıarderler logıstıka, taýar oraý jáne poshta qyzmetterine mamandandyrylǵan jetkizý jelilerin ońtaılandyrý arqyly óziniń baılyǵyn ulǵaıtty. Kóbine olar ózderiniń kúıeýlerimen tıimdilikke qol jetkizýdi kózdeıdi.
Qytaıdyń eń baı áıelderi erkek áriptesterine qaraǵanda qaıyrymdylyqty tanytady. Tizimdegi áıel mıllıarderler ózderiniń on tańbaly tabysy bar fılantroptyq jobalaryn iske qosty.
2010 jyldan beri áıelderdiń jıyntyq baılyǵy 20 paıyzǵa azaıyp, al ózindik baılyq eki ese ósti. Sonymen qatar, olar otbasymen iskerlik qarym-qatynasta teńdesi joq tabysqa qol jetkizdi. Bul úlgi eski «otbasylyq bıznes» termınine jańa mán berdi: otbasylyq bıznestiń negizgi múddeli taraptary - dástúrli áke-sheshe, týysqandyq qarym-qatynas emes, kúıeý men áıeldiń jaqyndyǵy.
Zor eńbekqorlyq, iskerlik jeńis pen naryqqa óte jyldam beıimdelý, shaǵyn otbasylyq bıznes - osylardyń barlyǵy búgingi tańdaǵy baı qytaılyq áıeldi sýretteıtin qasıetterdiń jıyntyǵy.
