Bul aýylda myńnan asa adam turady eken. Munda ákim de, mektep  te joq. Tipti aýyldyń naqty aty da belgisiz. Bul týraly informburo.kz jazady.

Aýylda eshqandaı ákimshilik bolmaǵandyqtan, turǵyndar aýrýhanalarǵa da qarala almaıdy. Aýyl turǵyndarynyń aıtýynsha, olar osyndaı jaǵdaıda turyp jatqandaryna 17 jyl bolǵan. Olar ártúrli ınstansıalarǵa aryz da jazǵan. Balalaryn kórshi aýyldarǵa sabaqqa aparady eken.

  Turǵyndardyń aıtýynsha, aýyldyń atyn bireýler Jańalyq dep atasa, endi bireýler úshin ol- Jańa Arna, aýyldyń taǵy bir ataýlary - Toǵyzynshy bólim jáne Mıchýrınsk.

«Buryndary bul aýylda aýylsharýashylyq ónimderin ósirip óńdegen eken. Keıin sovhoz joıyldy, al biz sol kúıi eshkimge kerek emes qalpymyzda qaldyq»-deıdi turǵynnyń biri.

Qazirgi ýaqytta aýyl turǵyndary sýdy qudyqtan alyp ishedi. Osyǵan qaramastan, aýyl qalaǵa jaqyn bolǵandyqtan munda  jańa úı qurylstaryn kóptep kezdestirýge bolady.

Sheneýniktermen umyt qalǵan bul aýyl İle aýdany men Talǵar aýdany shekarasynda ornalasqan. Alaıda Talǵar aýdanynyń aýrýhanasynda da, İle aýdanynyń aýrýhanasynda da turǵyndarǵa kómek kórsetilmeıdi. Sebebi aýdandar bul aýyldy óziniń qaramaǵynda dep eseptemeıdi. Aýyl turǵyndary «ózimizdiń ákim men ákimshiligimiz bolsa ǵoı» dep armandaıdy.

Turǵyndar  aýyldy «eles aýyl» dep ataıdy. Aty joq aýylǵa memleketten qarajat ta bólinbeıdi eken. Aýyl turǵyndary úshin zeınetaqy men jerdámaqyny rásimdeý de qıynǵa soǵady.

 Almaty oblysynyń ákimdigi bul aýyl 2014 jyly Almaty oblysynyń aýdandary qataryna qosylmaı qalǵanyn  jetkizgen.

 Oblys ákimdigi Almaty oblysynda mundaı «ıesiz» aýyldardyń kóp ekendigin aıtady. «Eleske» aınalǵan aýyl Talǵar aýdanyna kirýi múmkin degen boljam aıtyldy.