Shyǵys Qazaqstanda  shyǵysqazaqstandyq jastar áleýmettik jeliler arqyly Elbasy men respýblıkamyzdyń barlyq turǵyndaryn merekemen quttyqtaıtyn «Aq tilekpen, Elbasyǵa!» – «Nashı pozdravlenıa – nashemý Prezıdentý!» jastar aksıasy bastaý aldy, dep habarlaıdy Qamshy.kz aqparat agenttigi.

Aksıaǵa qatysýshylar Instagram paraqshasyndaǵy «Aq tilekpen, Elbasyǵa!» degen jazýy bar  stendtiń fonynda fotoǵa túsip, ult Kóshbasshysyna arnalǵan quttyqtaýlar men aq tilekter jazylǵan fotosýretterdi Vkontakte, Instagram jáne Facebook áleýmettik jelilerine salady. Quttyqtaý aksıasy #MeninPrezidentim, #MoiPrezident, #MyPresident heshtegterimen ótedi.

Stendter saýda úılerinde, oıyn-saýyq keshenderinde, kınoteatrlarda, sondaı-aq oblystaǵy úlken qalalardyń bilim berý mekemelerinde ornalastyrylǵan.

«Biz úshin Tuńǵysh Prezıdent kúniniń mańyzy zor. Jastar Nursultan Nazarbaevtyń eline qaltqysyz qyzmet etkendigi týraly bilýleri kerek, óıtkeni Qazaqstan Respýblıkasynyń táýelsizdik jolynda onyń alatyn orny erekshe. Bul aksıa arqyly jastarymyzdyń qazaqstandyq patrıotızm rýhyn kótergimiz keldi. Atalmysh aksıa birinshi ret osyndaı aýqymdy túrde ótkizilýde. Mundaı formatty tańdaý bekerden beker emes, qazirgi tańda jastardyń 80%-y áleýmettik jelilerdi qoldanady,» – dep atap ótti atalǵan aksıanyń bastamashysy, áleýmettik jelininiń belsendi qoldanýshysy Berik Qádiruly.

Atalmysh is-shara  20 qarashada bastalǵan Tuńǵysh Prezıdent kúnine arnalǵan onkúndik aıasynda júzege asyrylyp jatqanyn atap ótý kerek.