Áleýmettik jelilerde Vladıslav Chelahtyń qorǵaýshysy jasaǵan málimdeme kezip júr. Bul aqparat boıynsha, Chelahqa qatysty BUU-nyń adam quqyqtary jónindegi Komıteti qatardaǵy jaýynger isi ádiletti sheshimin tappaǵany jáne quqyǵy taptalǵandyǵy jónindegi shaǵymǵa sheshim shyǵarǵan. Caravan.kz portalynyń tilshisi atalmysh aqparattyń rastyǵyna kóz jetkizý maqsatymen Chelahtyń qorǵaýshysy Serik Sársenovke habarlasqan, dep jazady Qamshy.kz aqparat agenttigi.
Jelide taralǵan aqparattarǵa senýge bolady ma?
- Joq, degenmen, 7 qarashada meniń shaǵymym qaralyp, negizdi dep tanylǵany belgili boldy. Ol meniń QR zańnamasyndaǵy 14 baptyń buzylyp, Qazaqstan men Halyqaralyq azamattyq jáne saıası quqyqtarynyń aıaq asty bolyp, Vladıslav Chelah isiniń ádiletti sot sheshimin tappaǵandyǵy týraly BUU-ń adam quqyqtary jónindegi Komıtetke shaǵym jasaýym negizinde edi.
Negizgi sheshim orys tiline aýdarylyp, tez arada bizge jetkiziletin bolady.
Iaǵnı, atalmysh sheshim ázirshe eshnársege áser etpeıdi ǵoı?
- Ia. Qazaqstan BUU jasaǵan sheshimdi aldymen qabyldap alýy kerek, odan keıin, egerde biz damyǵan, kózi ashyq memleket bolsaq, kerekti sharalar jasalýy qajet.
Biraq qazirgi jaǵdaıda qandaı da bir málimdemeler jasaýǵa áli erte, biraq meniń shaǵymym qarastyrylǵany anyq. Óıtkeni Komıtet meniń boljamdarymdy, senimdi ári talassyz dep tapqan bolý kerek. Túsiniktirek bolý úshin, BUU meniń shaǵymymdy qabyldaǵanda Qazaqstanǵa bul jóninde habardar bolǵan bolatyn.
-Siz bergen shaǵymnyń mazmuny men ondaǵy pikirińiz týraly qysqasha aıta ketseńiz:
- Onda men Vladıslav Chelah isin qarastyrǵanda Qazaqstannyń barlyq deńgeıdegi sotynda ketken qatelikterdi sanap kórsetken bolatynmyn. Men «olar qatelik jiberdi» zańǵa súıene otyryp senimdi túrde aıta alamyn. BUU Komıteti adam quqyqtary máselesine kelgende bizden basqasha jumys isteıtin bolyp tur. Óıtkeni olar basshylardyń aıtqanymen júrmeıdi. Ol jaqta quqyq negizinde ǵana ister atqarylady. Al zań tarapynan men 200%-ǵa durys aıtyp turǵanyma kepildik bere alamyn.
Eske sala keteıik, 2012 jyldyń 28-shi mamyrynda Qazaqstannyń «Arqankergen» shekaralyq beketinde 15 adamnyń ómirin qıǵan qandy oqıǵa boldy. Óte jumbaq jaǵdaıda 14 shekara qyzmetkeri men ańshy jan tapsyrǵan bolatyn.
Vladıslav Chelahqa QR Qylmystyq kodeksiniń 8-shi babyna sáıkes, «Eki ne odan da kóp adamdy óltirgeni úshin», «Jeke zattardy urlaǵany úshin», «Qupıa qujattardy urlaǵany úshin», «Qarý-jaraqty urlaǵany úshin», «Qarýdy zańsyz ustaǵany úshin», «Ásker múlkine zıan keltirgeni úshin», «Qoqan-loqqy jasaǵany úshin» jáne «Ózgeniń turaǵyna zańsyz basa-kóktep kirgeni úshin» aıyptar taǵylǵan bolatyn.
2012 jyldyń 11 jeltoqsanynda sot Vladıslav Chelahty joǵaryda tizbektelgen qylmystar úshin kináli dep tanyp, ómir boıyna bas bostandyǵynan aıyrý týraly sheshim shyǵarǵan bolatyn.
